ქართველი და სომეხი ახალგაზრდა სოციალური მეწარმეების მხარდასაჭერად EU4Youth პირველ რეგიონულ პორტალს ქმნის

ქართველი და სომეხი ახალგაზრდა სოციალური მეწარმეების მხარდასაჭერად EU4Youth პირველ რეგიონულ პორტალს ქმნის

ოქტომბერი 15, 2021

პროგრამამ, EU4Youth აამოქმედა „იდეების ბანკი“ — პირველი ციფრული პლატფორმა სამხრეთ კავკასიის რეგიონში, რომელიც სოციალურ და მწვანე სტარტაპ-საწარმოებს პოტენციურ ინვესტორებთან დააკავშირებს. მისი მთავარი მიზანი ახალგაზრდათა სამეწარმეო იდეების აღმოჩენა და განვითარებაა.

„იდეების ბანკი“ საშუალებას აძლევს ახალგაზრდა მეწარმეებს, შექმნან საკუთარი პროფილი. პორტალზე შესაძლებელია ბიზნესიდეის დარეგისტრირება და მისი განხორციელების გეგმის წარდგენა. რეგისტრაციის შემდეგ ბიზნესიდეა ფართო აუდიტორიისთვის ხდება ხელმისაწვდომი.

ამჟამად „იდეების ბანკში“ წარმოდგენილია 33 იდეა, რომელთაგან 19  საქართველოდანაა. რეგისტრირებულ მეწარმეებს შორის არიან ისინი, ვინც ახლახან მიიღო ევროკავშირის კავკასიის სოციალური ინოვაციის კონკურსის გრანტები საკუთარი ბიზნესის ისეთ სფეროებში დასაწყებად, როგორიცაა ნარჩენების მდგრადი მართვა, ეკოტურიზმი, სოფლის მეურნეობა, ეკოწარმოება და ჯანდაცვა.

„იდეების ბანკი“ ევროკავშირის მიერ დაფინანსებული პროექტის, „EU4Youth: სოციალური მეწარმეობის ეკოსისტემის განვითარება (SEED) მწვანე ზრდისთვის“, ფარგლებში შეიქმნა.

იდეების ბანკის პორტალი



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,