ენერგიის ახალ წყაროებზე გადასვლა: ურთიერთსწავლების პროგრამა არჩეული თანამდებობის პირების, საჯარო მოხელეების და სამოქალაქო საზოგადოების წარმომადგენლებისთვის — რეგისტრაცია 28 თებერვლამდე

ენერგიის ახალ წყაროებზე გადასვლა: ურთიერთსწავლების პროგრამა არჩეული თანამდებობის პირების, საჯარო მოხელეების და სამოქალაქო საზოგადოების წარმომადგენლებისთვის — რეგისტრაცია 28 თებერვლამდე

იანვარი 29, 2021

პროგრამის, „ჰორიზონტი 2020“, ფარგლებში დაფინანსებული პროექტი,  TOMORROW იწყებს ოთხთვიანი ურთიერთსწავლების პროგრამას, „ენერგიის ახალ წყაროებზე გადასვლის სასწავლო ესტაფეტა“. კურსი შემუშავებულია არჩეული თანამდებობის პირების, საჯარო მოხელეების და სამოქალაქო საზოგადოების წარმომადგენლებისთვის. მონაწილეებს უნდა ჰქონდეთ სურვილი, ისწავლონ თავიანთ ქალაქებში ენერგიის ახალ წყაროებზე გადასვლის მართვა. 

პროგრამა ისეა ორგანიზებული, რომ დაეხმაროს მონაწილეებს ერთმანეთთან კავშირის დამყარებაში, სწავლასა და იმ საკითხზე გამოცდილების გაზიარებაში, თუ როგორ შეუწყონ ხელი მრავალი მონაწილის ჩართულობას ქალაქებში ენერგეტიკული გადასვლის მხარდაჭერის პროცესში. კურსის საშუალებით გაზიარდება ის ცოდნა და გამოცდილება, რომელიც პროექტის, TOMORROW, ფარგლებში დაგროვდა და რომელიც ენერგიის ახალ წყაროებზე გადასვლის პროცესის განსაზღვრას და მხარდაჭერას ეხება.

პროგრამა 11 მარტს  შესავალი ვებინარით დაიწყება, რომლის განმავლობაშიც მონაწილეები გაიღრმავებენ ცოდნას ინდივიდუალურ სასწავლო საკითხებზე და გადანაწილდებიან მცირერიცხოვან ჯგუფებად. ტრენინგის შუამავალი მონაწილეების ჯგუფურ ურთიერთობებს წარმართავს და ონლაინ აქტივობების ორგანიზებას უხელმძღვანელებს. ესტაფეტის განმავლობაში მონაწილეები იმუშავებენ თავიანთ ქალაქებში ენერგიის ახალ წყაროებზე  გადასვლაში ჩართული მრავალი მონაწილის ორგანიზებაზე. მაგალითად, მათ დაევალებათ კოლეგებთან თუ სამოქალაქო საზოგადოების წევრ პარტნიორებთან ერთობლივი ვებინარის ორგანიზება, ან თავიანთ ქალაქში ერთ-ერთი კოლექტიური მექანიზმის გამოყენება, ან სხვა ტიპის აქტივობა.

რეგისტრაციის საბოლოო ვადაა 28 თებერვალი.

დამატებითი ინფორმაცია

პრესრელიზი

განაცხადის შეტანა კურსზე, ‘Energy Transition Learning Relay’

 



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,