ინვესტირება ქალებში: როგორ უჭერს მხარს ევროკავშირი ქალების ბიზნესს

იმის გათვალისწინებით, რომ საზოგადოება სულ უფრო განიცდის კრიზისთა ზეწოლას, დღეს ისე, როგორც არასდროს მნიშვნელოვანია გენდერული თანასწორობა. მაშინ, როცა მსოფლიო 8 მარტს ქალთა საერთაშორისო დღეს აღნიშნავს, ქალთა და გოგოების უფლებების ცხოვრების ყველა სფეროში დაცვა და ქალთა მეწარმეობის ხელშეწყობა წარმატებული და სამართლიანი ეკონომიკის უზრუნველყოფის წინაპირობაა. 

გაერომ ქალთა საერთაშორისო დღის წლევანდელ თემად წარმოადგინა „ინვესტირება ქალებში: პროგრესის დაჩქარება“. ევროკავშირიც, თავის მხრივ, ხელს უწყობს ქალთა ეკონომიკური უფლებებისა და შესაძლებლობების გაფართოებას და ქალთა მეწარმეობას აღმოსავლეთ პარტნიორობის ყველა ქვეყანაში. ამ მიზნით ის აფინანსებს მრავალფეროვან პროექტებსა და ინიციატივებს, რომლებიც მეწარმე ქალებისთვის შესაძლებლობების შექმნაზე კონცენტრირდება. 

EU NEIGHBOURS east პროგრამამ ქალთა საერთაშორისო დღისადმი მიძღვნილი წლევანდელი კამპანიის ფარგლებში თავი მოუყარა ყველა შესაძლებლობას, რომელიც ხელმისაწვდომია მეწარმე ქალებისათვის აზერბაიჯანში, მოლდოვის რესპუბლიკაში, საქართველოში, სომხეთსა და უკრაინაში. კერძოდ, შეიქმნა ფაქტების სერია, რომელშიც შეკრებილია ინფორმაცია თითოეულ ქვეყანაში ევროკავშირისა და მისი პარტნიორების დახმარებით ხელმისაწვდომ ტრენინგებზე, კონსულტაციებსა და ფინანსურ მხარდაჭერაზე. გარდა ამისა, მოთხრობილია ხუთი წარმატებული მეწარმე ქალის ისტორია იმაზე, თუ როგორ შეძლეს მათ საკუთარი ბიზნესის ევროკავშირის მხარდაჭერით განვითარება. 

ფაქტები

თქვენც შეგიძლიათ! როგორ უჭერს მხარს ევროკავშირი ქალთა მეწარმეობას საქართველოში

ისტორიები

ქალი გამომცემელი კაცებით დომინირებულ ინდუსტრიაში — გზა დიდი ოცნებისკენ