ქედაში ახალი ევროკლუბი გაიხსნა

8 ივნისს ახალგაზრდა ევროპელი ელჩების (YEAs) ქსელმა საქართველოში აჭარის ავტონომიური რესპუბლიკის ქედის მუნიციპალიტეტში მდებარე ქედის საჯარო სკოლაში ევროკლუბის ოფიციალური გახსნა საზეიმოდ აღნიშნა.

გახსნის ცერემონიაში სკოლის ორასმა მოსწავლემ და 12-მა ახალგაზრდა ევროპელმა ელჩმა მიიღეს მონაწილეობა. ელჩებმა 40 მოსწავლეს კონრად ადენაუერის სახელობის ფონდის მიერ შექმნილი სამაგიდო თამაში „ევროპის გზა“ გადასცეს. 

ღონისძიებას ასევე დაესწრნენ ევროკავშირის ელჩი საქართველოში, პაველ ჰერჩინსკი, აჭარის განათლების, კულტურისა და სპორტის მინისტრი, მაია ხაჯიშვილი და ქედის მუნიციპალიტეტის თანამშრომლები. 

ქედის ევროკლუბის ინიციატივა ეკუთვნით ახალგაზრდა ევროპელ ელჩებს, რომლებიც ევროკავშირის მიერ დაფინანსებული EU NEIGHBOURS EAST პროგრამის ფარგლებში მოქმედებენ. ესაა ამ სტილის მესამე სივრცე, რომელიც პროგრამამ საქართველოში დააარსა. კლუბების მიზანია, მიეცეს ადგილობრივ ახალგაზრდებს არაფორმალური განათლების მიღების შესაძლებლობები და განმტკიცდეს კავშირი ევროკავშირსა და საქართველოს შორის. დანარჩენი ორი ევროკლუბი თბილისში („ევროკლუბი გლდანი“) და ყვარელში მდებარეობს.