ევროკავშირის მიერ დაფინანსებული პროექტი პროფესიონალ და მოყვარულ რეჟისორებს კონკურსში იწვევს. ინიციატივის მიზანი საგზაო-სატრანსპორტო შემთხვევების სოციალური შედეგების შესახებ საზოგადოებრივი ცნობიერების ამაღლებაა. კონკურსში მონაწილეობა შეუძლია საქართველოს ყველა მოქალაქეს, რომელსაც უკვე შეუსრულდა 18 წელი.
საქართველოში ევროკავშირის წარმომადგენლობამ პრესრელიზში აღნიშნა, რომ ქვეყანაში საგზაო შემთხვევების რაოდენობა და სიკვდილიანობის მაჩვენებელი საგანგაშოდ მაღალია. ამის დასტურია ჯანდაცვის მსოფლიო ორგანიზაციის (WHO) „გლობალური სტატუსის ანგარიში“. მის თანახმად, საქართველოში საგზაო-სატრანსპორტო შემთხვევების შედეგად გარდაცვალება ნაადრევი სიკვდილის გამომწვევ მიზეზებს შორის მე-6 ადგილზეა ყველა ასაკობრივ ჯგუფში და პირველ ადგილზეა 5-29 წლის ასაკობრივ კატეგორიაში.
კონკურსანტებმა უნდა წარადგინონ 5-წუთიანი დოკუმენტური, მხატვრული, ანიმაციური ან ჰიბრიდული ჟანრის ფილმი. ნამუშევარი უნდა იყოს ქართულ ენაზე ინგლისური სუბტიტრებით ან ინგლისურ ენაზე ქართული სუბტიტრებით და არ უნდა იყოს გამოქვეყნებული არცერთ პლატფორმაზე.
საუკეთესო ფილმი დაჯილდოვდება 4,000 ევროს ოდენობის პრიზით, ხოლო მეორე ადგილზე გასული ნამუშევარი 2,000 ევროს მიიღებს.
განაცხადების შეტანის ბოლო ვადაა 22 მაისი.
კონკურსი პოლონეთის განვითარების ფონდების და რეგიონული პოლიტიკის სამინისტროს მიერაა ორგანიზებული. ის ხორციელდება ევროკავშირის მიერ დაფინანსებული დაძმობილების პროექტის, „საგზაო უსაფრთხოების ერთიანი მონაცემთა ბაზის ჩამოყალიბების და საგზაო უსაფრთხოების მართვის შემდგომი გაუმჯობესების მხარდაჭერა საქართველოში“, ფარგლებში და რადიო თავისუფლებასთან თანამშრომლობით.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,