შრომითი ინტეგრაცია: საგრანტო კონკურსი საქართველოს სოციალური საწარმოებისთვის 

საქართველოს სტრატეგიული კვლევების და განვითარების ცენტრი (CSRDG) ევროკავშირის მხარდაჭერით საგრანტო კონკურსს აცხადებს. კონკურსი იმ სოციალური საწარმოებისთვისაა განკუთვნილი, რომლებიც შრომითი ინტეგრაციის სფეროში მუშაობენ.

ინიციატივის მიზანია, მხარი დაუჭიროს სოციალურ საწარმოებს, რომლებიც მოსახლეობის ნაკლებად კონკურენტუნარიანი, დაუცველი ჯგუფების წევრთა შრომის ბაზარზე ინტეგრაციას უწყობენ ხელს.

საგრანტო კონკურსის სამიზნე რეგიონებია გურია, კახეთი და ქვემო ქართლი.

მოთხოვნილი საგრანტო დაფინანსება არ უნდა აღემატებოდეს 14,000 ევროს .

განაცხადების მიღების ბოლო ვადაა 30 სექტემბერი (18:00).

საგრანტო კონკურსი ევროკავშირისა და „პური მსოფლიოსთვის“ (Brot) მიერ მხარდაჭერილი პროექტის, „უნარების გაძლიერება და დასაქმების ინოვაციური შესაძლებლობები საქართველოს რეგიონული განვითარებისთვის“, ფარგლებშია გამოცხადებული. პროექტს საქართველოს სტრატეგიული კვლევების და განვითარების ცენტრი (CSRDG) საქართველოს სამოქალაქო განვითარების ასოციაციასა (GCDA) და ახალგაზრდა პედაგოგთა კავშირთან (YPU) ერთად ახორციელებს.

დამატებითი ინფორმაცია

პრესრელიზი