Վարձատրվող փորձնակության հնարավորություն Հայաստանի մարզերի երիտասարդ մասնագետների համար

Կոնրադ Ադենաուեր հիմնադրամի հայաստանյան մասնաճյուղը եւ Գյումրու «Երիտասարդական նախաձեռնությունների կենտրոնը» հրավիրում են Հայաստանի 6 մարզերի՝ Արմավիրի, Տավուշի, Լոռու, Շիրակի, Սյունիքի եւ Գեղարքունիքի 18-25 տարեկան երիտասարդ մասնագետներին դիմելու վարձատրվող փորձնակության բաց մրցույթին։

Սույն մրցույթի շնորհիվ երիտասարդ մասնագետները հնարավորություն կունենան ձեռք բերել մասնագիտական փորձառություն եւ ստանալ ուղղորդում ոլորտային փորձագետների կողմից։ Հյուրընկալող կազմակերպությունները պետք է մշակեն գործողությունների ծրագրեր եւ ուղղորդել ու աջակցել փորձնակներին փորձնակության բոլոր փուլերում։

Փորձնակության տեւողությունը երեք ամիս է՝ 2025 թվականի հուլիսից մինչեւ սեպտեմբեր։ Մասնակիցները կստանան 750 եվրո վարձատրություն իրենց փորձնակության ամբողջ տեւողության համար։

Մրցույթին դիմելու վերջնաժամկետը 2025թ-ի մայիսի 31-ն է։

«Երիտասարդները գործելիս. Հայաստանում երիտասարդների զորեղացման եւ առաջնորդության խթանման» ծրագիրը Եվրոպական միության եւ Կոնրադ Ադենաուեր հիմնադրամի կողմից ֆինանսավորվող նախաձեռնություն է, որն իրականացվում է Վորլդ Վիժն Հայաստանի, Մեդիա նախաձեռնությունների կենտրոնի եւ Երիտասարդական նախաձեռնությունների կենտրոնի հետ համատեղ:

Իմացիր ավելին

Մամուլի հաղորդագրություն