Թվային հմտությունների վերաբերյալ նոր հիբրիդային դասընթաց Արեւելյան գործընկերության ՔՀԿ-ների համար

Եվրոպական միության (ԵՄ) կողմից ֆինանսավորվող Արեւելյան գործընկերության քաղաքացիական հասարակության հիմնադրամը մեկնարկում է նոր հիբրիդային դասընթաց՝ Արեւելյան գործընկերության (Հայաստան, Ադրբեջան, Բելառուս, Վրաստան, Մոլդովա եւ Ուկրաինա) քաղաքացիական հասարակության կազմակերպությունների (ՔՀԿ-ներ) թվային կարողությունների հզորացմանն աջակցելու համար։

Դասընթացը ներառում է առցանց դիագնոստիկ հանդիպումներ, առկա սեմինարներ եւ գործնական անհատական ​​​​ուսուցում: Մասնակից ՔՀԿ-ները կկարողանան կենտրոնանալ իրենց առաջնահերթ կարիքների վրա՝ անկախ նրանից, թե դա ինչ է ենթադրում՝ տվյալներին հասանելիության եւ օգտագործման եղանակների բարելավում, հաղորդակցության եւ իրազեկման համար թվային գործիքների ավելի արդյունավետ օգտագործում, թե իրենց կիբերանվտանգության ամրապնդում:

Դասընթացի ծրագիրը մշակվել է ԵՄ թվային կոմպետենցիաների շրջանակի շուրջ։ Մասնակիցները կանցնեն դիագնոստիկ գործընթացով՝ բացահայտելու իրենց կազմակերպության համար առավել համապատասխան ոլորտները:

Դասընթացը նախատեսված է ՔՀԿ-ների ղեկավարների, անձնակազմի անդամների եւ կամավորների համար, ովքեր անմիջականորեն ազդում են իրենց կազմակերպության տվյալների եւ տեխնոլոգիաների հետ աշխատանքի վրա եւ ովքեր իրենց կբնութագրեին որպես սկսնակից մինչեւ միջին մակարդակի մասնագետներ։

Մասնակիցները պետք է երկարաժամկետ դեր զբաղեցնեն իրենց ՔՀԿ-ում, պատրաստ լինեն մասնակցել գործընկերների հետ շարունակական ուսուցմանը եւ աջակցությանը, եւ ունենան անգլերենի աշխատանքային իմացություն:

Դասընթացի մեկնարկը նախատեսված է 2026 թվականի հունիսի 17-ին, իսկ ավարտը՝ 2026 թվականի սեպտեմբերի վերջին։

Դիմելու համար անհրաժեշտ է մինչեւ մայիսի 25-ը կազմակերպության անունից լրացնել առցանց դիմումի ձեւը։

Դասընթացը մշակվել եւ անցկացվում է Եվրոպական միության կողմից ֆինանսավորվող եւ GDSI-ի գլխավորած կոնսորցիումի կողմից իրականացվող «Արեւելյան գործընկերության քաղաքացիական հասարակության հիմնադրամ» ծրագրի կողմից։ Դրա բովանդակության համար պատասխանատու են միայն հեղինակները/ուսուցանողները եւ պարտադիր չէ, որ այն արտացոլի Եվրոպական միության տեսակետները։

Իմացիր ավելին

Մամուլի հաղորդագրություն