ՀԱՎԱՍԱՐ. ենթադրամաշնորհներ քաղաքացիական հասարակության համար՝ խթանելու գենդերային զգայունությունը Հայաստանում դատավորների շրջանում

«ՀԱՎԱՍԱՐ – ԵՄ-ն հանուն կանանց իրավազորման Հայաստանում» ծրագիրը, որն իրականացվում է ՕքսԵՋենի կողմից, հայտարարում է ենթադրամաշնորհային ծրագրի առաջարկների մրցույթ հայաստանյան քաղաքացիական հասարակության կազմակերպությունների համար։

Մրցույթը նպատակ ունի ուժեղացնել դատական ​​մարմինների արձագանքը գենդերային բռնության եւ ընտանեկան բռնության նկատմամբ՝ բարձրացնելով գենդերային զգայունության, համապատասխան իրավական շրջանակների եւ բռնություն վերապրածների վրա կենտրոնացած մոտեցումների ըմբռնումը դատավորների շրջանում։

Մրցույթին կարող են մասնակցել Հայաստանում օրինականորեն գրանցված, մրցույթի թեմային համապատասխան փորձ ունեցող ոչ առեւտրային կազմակերպությունները:

Ենթաշնորհի չափը կկազմի 20,000 եվրո:

Հայտերն ընդունվում են մինչեւ 2025 թ․ ապրիլի 22-ը։

ԵՄ-ի կողմից ֆինանսավորվող «ՀԱՎԱՍԱՐ – ԵՄ-ն հանուն կանանց իրավազորման Հայաստանում» ծրագիրը նպատակ ունի բարձրացնել Հայաստանում կանանց դերը եւ զորեղացնել նրանց՝ երկրում հասարակական փոփոխություններ իրականացնելու համար: Երիտասարդների եւ կանանց իրավունքների պաշտպանության ՕքսԵՋեն հիմնադրամը (ՕքսԵՋեն) անկախ շահերի պաշտպանության եւ զարգացման հիմնադրամ է:

Իմացիր ավելին

Մամուլի հաղորդագրություն