Բաց կառավարման գործընկերության (ԲԿԳ) թափանցիկության կրթաթոշակներ Լիտվայում եւ Լատվիայում

Բաց կառավարման գործընկերության (ԲԿԳ) թափանցիկության կրթաթոշակների 2025 թվականի ծրագիրը հրավիրում է մասնակիցների Ուկրաինայից, Մոլդովայից, Հայաստանից եւ Վրաստանից՝ առաջարկելով իմերսիվ ուսուցման (immersive learning) եւ փոխադարձ փոխանակման (peer exchange) հնարավորություն Լիտվայում եւ Լատվիայում 2025 թվականի հուլիսի 1-4-ը։

Ծրագիրը կառավարությունում, քաղաքացիական հասարակությունում կամ լրատվամիջոցներում աշխատող միջին եւ բարձր աստիճանի մասնագետներին եզակի հնարավորություն է ընձեռում ընդլայնել իրենց կապերը, գիտելիքները, մոտիվացիան եւ ջատագովության հմտությունները՝ կոռուպցիայի դեմ պայքարի եւ լավ կառավարման ոլորտում իրենց ներքին եւ/կամ միջազգային աշխատանքն առաջ մղելու համար: Վրաստանի դեպքում այս մրցույթը վերաբերում է միայն քաղաքացիական հասարակության եւ լրատվամիջոցների ներկայացուցիչներին:

Ծրագիրը ներառում է արտագնա այցելություններ կառավարական գործակալություններ, քաղաքացիական հասարակության կազմակերպություններ եւ լրատվամիջոցներ Վիլնյուսում (Լիտվա) եւ Ռիգայում (Լատվիա): Կրթաթոշակի ավարտից հետո մասնակիցները հնարավորություն կունենան շարունակել իրենց ներգրավվածությունը ԲԿԳ-ում եւ մասնակցել համաշխարհային միջոցառումների:

ԲԿԳ-ն ամբողջությամբ կֆինանսավորի յոթ կրթաթոշակառուի՝ ծածկելով ծրագրի, ճանապարհորդության, կեցության եւ սննդի հետ կապված ծախսերը: Մինչեւ երեք լրացուցիչ մասնակից կարող են միանալ ինքնաֆինանսավորման սկզբունքով: Ծրագրի արժեքը (չհաշված միջազգային ճանապարհորդության, վիզայի եւ ապահովագրության ծախսերը) կազմում է 2,250 եվրո:

Դիմումների ընդունման վերջնաժամկետը մայիսի 18-ն է։

ԲԿԳ թափանցիկության կրթաթոշակների ծրագիրն իրականացվում է «Թրանսփարենսի Ինթերնեշնլ Լիտվա»-ի եւ Բաց կառավարման գործընկերության կողմից՝ Եվրոպական Միության աջակցությամբ։

Իմացիր ավելին

Մամուլի հաղորդագրություն