Առցանց դասընթաց. «ԵՄ քաղաքականությունը և դրա իրականացումը. ստիպելով Եվրոպային աշխատել»

Առցանց դասընթաց. «ԵՄ քաղաքականությունը և դրա իրականացումը. ստիպելով Եվրոպային աշխատել»


Մարդիկ ավելի քննադատաբար են վերաբերվում եվրոպական քաղաքականությանը և թվում է, թե գլոբալացման խնդիրներին ի պատասխան հաճախ գերադասում են տեղական քաղաքական լուծումները: Ինչպե՞ս եք Դուք վերաբերվում ԵՄ քաղաքականությանը: Արդյո՞ք այն օգնում է: Իսկ եթե ոչ, ապա ինչպե՞ս կարող ենք փոխել այն:

Այս դասընթացի ընթացքում մենք կսովորենք, թե ինչպես է ձևավորվում ԵՄ քաղաքականությունը, ինչպես է այն փոխանցվում անդամ պետություններին և իրականացվում իշխանության տարբեր մարմինների, այդ թվում` վարչատարածքային և տեղական իշխանությունների կողմից: Մենք կքննարկենք եվրոպական բազմամակարդակ կառավարման կառուցվածքի առջև ծառացած մարտահրավերները: Մենք նաև կկենտրոնանանք քաղաքականության ձախողման կամ հաջողության հիմնական պատճառների վրա: Այս ճանապարհորդության ընթացքում մենք կկենտրոնանանք ակտուալ քաղաքականության վրա և կներկայացնենք տարբեր փորձագետների տեսակետները. որքանո՞վ է հեշտ ինքնահաստատվել ԵՄ այլ երկրում: Ինչպե՞ս են կառավարությունները համոզվում, որ Ձեր շնչած օդը մաքուր է: Իսկ ո՞վ է պատասխանատու:

Դուք կկարողանաք համատեղ հետազոտություններ կատարել Ձեր սեփական տեղական միջավայրում: Իրականացման վերաբերյալ հետազոտություններ, որոնցում կարող եք համեմատություններ անել տարբեր երկրների կամ տարածքների միջև: Եթե Դուք ապրում եք ԵՄ-ից դուրս, դա խնդիր չէ: Մենք մշակել ենք այնպիսի առաջադրանքներ, որ Դուք կարող եք իրականացնել հետազոտություններ ձեր տարածքում և ձեր հետազոտության արդյունքները համեմատել ուրիշների հետ: Եվ այսպես, Դուք հետաքրքրվա՞ծ եք: Ուրեմն միացեք «ԵՄ քաղաքականությունը և դրա իրականացումը. ստիպելով Եվրոպային աշխատել» առցանց դասընթացին։

Դիտեք առցանց դասընթացի մասին պատմող մեր կարճ տեսանյութն այստեղ՝ https://www.youtube.com/watch?v=n3nSN9R3VR4։

Անկախ նրանից, թե Դուք ապրում եք ԵՄ-ում և հետաքրքրված եք, թե ինչպես է եվրոպական քաղաքականությունն ազդում ձեր առօրյա կյանքի վրա, կամ արդեն ոլորտային փորձագետ եք, ով ցանկանում է թարմացնել իր հմտությունները, կամ ցանկանում եք հասկանալ, թե ինչպես է ձևավորվում և իրականացվում Եվրոպական միության քաղաքականությունը, այս դասընթացը Ձեզ կառաջարկի անհրաժեշտ տեսություն և պրակտիկա: Այս դասընթացը, հավատարիմ լինելով մատուցվող նյութի բնույթին և իր նպատակին, մասնակիցների համար անվճար է և կշարունակի այդպիսին լինել: Եթե ցանկանում եք ստանալ պաշտոնական վկայական, ապա այդ դեպքում որոշակի վճարի կարիք կլինի՝ ծախսերը հոգալու համար:

«ԵՄ քաղաքականությունը և դրա իրականացումը. ստիպելով Եվրոպային աշխատել» առցանց դասընթացն առաջարկում է Հոլանդիայի Լեյդենի համալսարանի Կառավարման և գլոբալ հարաբերությունների ֆակուլտետը: Անգլերեն լեզվով դասավանդվող դասընթացը նախատեսված է ցանկացած անհատի համար, ով հետաքրքրված է նրանով, թե ինչպես է եվրոպական քաղաքականությունն ազդում իր առօրյա կյանքի վրա, և հատկապես իդեալական է հանրային քաղաքականության ոլորտում ներգրավված անհատների համար: Դասընթացը ներառում է, թե ինչպես է ձևավորվում եվրոպական քաղաքականությունը, դիտարկում է որոշումների ընդունման, փոխանցման և իրականացման գործընթացները և քննարկում, թե ինչպես կարող է քաղաքականությունը բարելավվել ապագայում:

«ԵՄ քաղաքականությունը և դրա իրականացումը. ստիպելով Եվրոպային աշխատել» առցանց դասընթացն հաջողությամբ ավարտելու համար ուսանողները պետք է շաբաթական 2-ից 3 ժամ տրամադրեն դրան: Դասընթացը տևում է 5 շաբաթ և ամեն շաբաթ ներառում է տեսանյութեր ու ընթերցանության առաջադրանքներ: Ուսանողները նաև պատասխանատու են դասընթացի նյութին վերաբերող կարճ գրավոր և հետազոտական առաջադրանքների կատարման համար: Նրանք, ովքեր կկատարեն բոլոր առաջադրանքները և կստանան անցողիկ գնահատականներ, կանցնեն դասընթացը: Դասընթացին մասնակցությունն անվճար է, բայց կամընտրական սկզբունքով հարկ կլինի փոքր վճար կատարել՝ հաստատված ավարտական վկայական ստանալու համար: Coursera-ն ֆինանսական օգնություն է տրամադրում այն սովորողներին, ովքեր ցանկանում են ավարտել դասընթացը, բայց չեն կարող իրենց թույլ տալ վճարել դրա համար։

ՎԵՐՋՆԱԺԱՄԿԵՏ՝

31 Դեկտեմբերի, 2022

ՀՆԱՐԱՎՈՐՈՒԹՅԱՆ ՏԵՍԱԿ



Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:

Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© Եվրոպական միություն,