Ժողովրդավարության աջակցության եվրոպական հիմնադրամը կաջակցի Լեռնային Ղարաբաղից տեղահանված ԶԼՄ-ների աշխատակիցներին
Reuters
27 Հոկտեմբերի, 2023

Ժողովրդավարության աջակցության եվրոպական հիմնադրամը կաջակցի Լեռնային Ղարաբաղից տեղահանված ԶԼՄ-ների աշխատակիցներին


Եվրոպական միության աջակցությամբ գործող Ժողովրդավարության աջակցության եվրոպական հիմնադրամը (EED) աջակցում է Մեդիա նախաձեռնությունների կենտրոնին եւ Հանրային լրագրության ակումբին՝ բավարարելու հոկտեմբերի սկզբին Լեռնային Ղարաբաղից տեղահանված ԶԼՄ-ների աշխատակիցների կենսական կարիքները:

Մոտ 100 շահառու կստանա միանվագ շտապ աջակցություն, որը թույլ կտա կայունացնել նրանց ներկա ծանր իրավիճակը եւ շարունակել իրենց պրոֆեսիոնալ գործունեությունն այս անկայուն ժամանակներում: Որոշ դեպքերում աջակցություն կտրամադրվի կորցրած սարքավորումները փոխարինելու համար: 

Երկարաժամկետ հեռանկարում եւ այլ դոնորների հետ համակարգված գործողությունների պարագայում դրամաշնորհը կնպաստի Լեռնային Ղարաբաղի մեդիա համայնքի արագ ինտեգրմանը Հայաստանում՝ կարիքների գնահատման վրա հիմնված համապարփակ ռազմավարության կառուցման, ինչպես նաեւ այլ լրատվամիջոցների հետ կապեր ստեղծելու միջոցով, որոնք կարող են երկարաժամկետ զբաղվածության հնարավորություններ տալ:

Ժողովրդավարության աջակցության եվրոպական հիմնադրամը (EED) ստեղծվել է 2013 թվականին Եվրոպական միության (ԵՄ) եւ ԵՄ անդամ երկրների կողմից՝ որպես ինքնավար միջազգային վստահության հիմնադրամ՝ եվրոպական հարեւանության տարածաշրջանում, ներառյալ Արեւելյան գործընկերության երկրներում ժողովրդավարությունը խթանելու նպատակով: EED-ն աջակցում է քաղաքացիական հասարակության կազմակերպություններին, ժողովրդավարամետ շարժումներին, քաղաքացիական եւ քաղաքական ակտիվիստներին, ինչպես նաեւ անկախ լրատվամիջոցներին եւ լրագրողներին, որոնք աշխատում են հանուն բազմակարծ, ժողովրդավարական քաղաքական համակարգի:

Իմացիր ավելին

Մամուլի հաղորդագրություն

Ժողովրդավարության աջակցության եվրոպական հիմնադրամ

Մեդիա նախաձեռնությունների կենտրոն

Հանրային լրագրության ակումբ



ԱՄԵՆԱԿԱՐԴԱՑԱԾ



Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը:


Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,