Վերակառուցման և զարգացման եվրոպական բանկի (ՎԶԵԲ) նախագահ Օդիլ Ռենո-Բասսոն հաջորդ շաբաթ՝ սեպտեմբերի 12-ից 16-ը շրջելու է Կովկասում՝ հանդիպելու բարձրաստիճան պետական պաշտոնյաների և բիզնես հաճախորդների ու գործընկերների հետ: Նա նախ կայցելի Ադրբեջան, ապա՝ Վրաստան, իսկ այցը կավարտի Հայաստանում։
Սա նրա առաջին այցն է տարածաշրջան 2020 թվականի վերջին պաշտոնը ստանձնելուց հետո:
Իր այցին ընդառաջ ՎԶԵԲ նախագահն առցանց հանդիպումներ է ունեցել Ադրբեջանի, Վրաստանի և Հայաստանի քաղաքացիական հասարակության ներկայացուցիչների տարբեր խմբերի հետ:
Բաքվում ՎԶԵԲ-ի նախագահը, ի լրումն կարևոր հանդիպումների, կստորագրի Ադրբեջանում Բանկի երկրորդ «Կանաչ քաղաք» նախագծի վերաբերյալ համաձայնագիրը և կմասնակցի ներդրումների խթանման ազգային գործակալության՝ AzPromo-ի հետ համատեղ նախագծի գործարկմանը, որի նպատակն է խթանել հեռահաղորդակցության, ԶԼՄ-ների և տեխնոլոգիաների ոլորտը։
Թբիլիսիում Օդիլ Ռենո-Բասսոն կունենա տարբեր հանդիպումներ և վարկային պայմանագրեր կկնքի ֆինանսական և առողջապահական ոլորտների երկարամյա գործընկերների հետ:
ՎԶԵԲ նախագահն իր այցը կավարտի Երևանում, որտեղ կհանդիպի Հայաստանի քաղաքական ղեկավարության և ՎԶԵԲ-ի գործընկերների հետ։ Ռենո-Բասոն կայցելի նաև ԹՈՒՄՈ ստեղծարար տեխնոլոգիաների կենտրոն, որտեղ կհանդիպի Հայաստանի բարձր տեխնոլոգիական ոլորտի առաջատարների հետ և կմասնակցի ՎԶԵԲ-ի կողմից աջակցվող Հայաստանի ներդրումային խորհրդի 15-ամյակին նվիրված տոնակատարություններին:
«Ես անհամբերությամբ եմ սպասում Կովկաս այցելությանը, որտեղ Բանկն իր գործունեության 30 տարիների ընթացքում հասել է ուշագրավ արդյունքների: Չնայած իր չափերին, տարածաշրջանը մեզ համար կարևոր ներդրումային ուղղություն է, որտեղ մենք արդեն ներդրել ենք ավելի քան 10 միլիարդ եվրո»,- իր այցինց ընդառաջ ասել է Ռենո-Բասոն:
Իմացիր ավելին
Այլ տեղեկատվական արշավներ:
Հետաքրքրվա՞ծ եք վերջին նորություններով ու հնարավորություններով
Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը:
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,