Շառլ Միշելը ողջունել է Ադրբեջանի կողմից ևս հինգ հայ ձերբակալվածների ազատ արձակումը

Եվրոպական խորհրդի նախագահ Շառլ Միշելը ողջունել է Ադրբեջանի իշխանությունների կողմից ևս հինգ հայ ձերբակալվածների ազատ արձակումը։

Ադրբեջանը սեպտեմբերի 8-ին Հայաստանին է հանձնել հինգ հայ զինծառայողների՝ օգոստոսի 31-ին Բրյուսելում Շառլ Միշելի, Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հանդիպման ժամանակ ձեռք բերված պայմանավորվածությունների համաձայն։

«Առաջին անգամն է, որ հանձնումն իրականացվում է երկու կողմերի պայմանավորվածությամբ՝ ոչ միջնորդավորված, ինչը պատիվ է բերում և՛ Ադրբեջանին, և՛ Հայաստանին»,— Twitter-ում գրել է Շառլ Միշելը՝ շարունակելով. «Բոլոր հումանիտար խնդիրների լուծումն առանցքային առաջնահերթություն է»:

Իմացիր ավելին

Մամուլի հաղորդագրություն

Միշել. Հայաստանն ու Ադրբեջանը պայմանավորվածություն են ձեռք բերել ակտիվացնելու աշխատանքը խաղաղության պայմանագրի առաջխաղացման ուղղությամբ