Օզի գերմանամուկը գնում է դպրոց. EU4Energy-ն եւ EU Neighbours East-ը սկսում են վերականգնվող էներգիային նվիրված արշավի նոր փուլը

Այսօր՝ նոյեմբերի 6-ին, «EU4Energy» ծրագիրը մեկնարկում է իր նոր արշավը, որի նպատակն է դպրոցականներին ներկայացնել վերականգնվող էներգիայի աղբյուրները եւ կլիմայի փոփոխության մեղմման գործում դրանց կարեւորությունը։

Արշավի գլխավոր հերոսը Օզի գերմանամուկն է՝ կոմիքսների մաքուր էներգիայի պայքարի առաջամարտիկը։ Իրազեկման բարձրացման այս նոր արշավում Օզին դառնում է էներգաարդյունավետության եվրոպական դեսպան՝ ցույց տալու, թե որքան կարեւոր նշանակություն ունի վերականգնվող էներգիան մեր մոլորակի ապագայի համար:

Արշավն իրականացվում է Եվրոպական Էներգետիկայի եվրոպական կարգավորողների խորհրդի (CEER) կողմից՝ «EU Neighbours East» ծրագրի եւ Վրաստանի էներգետիկայի եւ ջրամատակարարման ազգային կարգավորող հանձնաժողովի (GNERC) հետ համագործակցությամբ: Սկզբում այն որպես փորձնական ծրագիր կիրականացվի Վրաստանում, իսկ հետո աստիճանաբար կընդլայնվի՝ ներառելով Արեւելյան գործընկերության բոլոր երկրները:

Արշավի ընթացքում երիտասարդ եվրոպական դեսպանները (EU Neighbours East-ի ներքո գործող ապաքաղաքական երիտասարդական ցանց) եւ GNERC-ի փորձագետները կայցելեն Վրաստանի դպրոցներ եւ կկազմակերպեն վերականգնվող էներգիայի վերաբերյալ սեմինարներ՝ հատուկ երիտասարդների համար նախատեսված պարզ եւ հասկանալի ուսուցողական նյութերով։

Արշավը մշակվել է «Մաքուր էներգիայի անցման խթանումը Արեւելյան գործընկերության երկրներում. EU4Energy փուլ II» ծրագրի շրջանակներում, որը նպաստում է էներգետիկայի համար պատշաճ օրենսդրական եւ կարգավորող շրջանակների մշակմանը եւ տարածաշրջանի անցմանը մաքուր էներգիային եւ էներգետիկ շուկաների ազատականացմանը: Ծրագիրը կգործի մինչեւ 2024թ․ դեկտեմբեր եւ կանդրադառնա նոր մարտահրավերներին ու հնարավորություններին, ինչպիսիք են էներգետիկ ոլորտին առնչվող շուկայի բոլոր հատվածների աստիճանական թվայնացումը՝ միաժամանակ խթանելով ծախսերի արտացոլումը: Այսպիսով, Արեւելյան գործընկերության երկրների քաղաքացիները կշահեն կայուն էներգետիկ ներդրումներից եւ տարածաշրջանային շուկայի ինտեգրման եւ ներտարածաշրջանային առեւտրի աճից:

«EU4Energy» նախաձեռնությունը ֆինանսավորվում է Եվրամիության կողմից 8,5 միլիոն եվրո ընդհանուր բյուջեով եւ համատեղ իրականացվում է CEER-ի, Միջազգային էներգետիկ գործակալության (IEA) եւ Էներգետիկ համայնքի քարտուղարության (EnCS) կողմից:

Իմացիր ավելին

«EU4Energy» ծրագիր

EU NEIGHBOURS EAST

Վրաստանի էներգետիկայի եւ ջրամատակարարման ազգային կարգավորող հանձնաժողով

Օզի համստերի կայքէջ