Հուլիսի 4-ից 15-ը կկայանա ԵՄ աջակցությամբ Կապանի երաժշտական միջազգային փառատոնը

Հուլիսի 4-ին ԵՄ աջակցությամբ Հայաստանում մեկնարկեց Կապանի երաժշտական ​​միջազգային փառատոնը, որը կշարունակվի մինչեւ հուլիսի 15-ը։

Սյունիքի մարզկենտրոն Կապան քաղաքն ամեն տարի հյուրընկալում է բազմազան մշակութային միջոցառումներ: Փառատոնին իրենց մասնակցությունը կբերեն ավելի քան 30 հայտնի մենակատարներ, Հայաստանի պետական ​​սիմֆոնիկ նվագախումբը, տաղանդավոր երիտասարդներ՝ Հայաստանի տարբեր երաժշտական ​​դպրոցներից, ինչպես նաեւ կամերային երաժշտության խմբեր:

«Որակյալ մշակույթ բոլորի համար. սա է Կապանի միջազգային փառատոնի էությունը։ Սահմաններ չճանաչող մշակույթը միավորում, համախմբում եւ մերձեցնում է ժողովուրդներին ու համայնքներին», — նշել է Հայաստանում ԵՄ դեսպան Վասիլիս Մարագոսը։ «Այս աջակցությունը ցուցաբերվում է «Դիմակայուն Սյունիք Թիմ Եվրոպա» նախաձեռնության նոր մոտեցման շրջանակում, որի մաս են կազմում ԵՄ-ն, նրա անդամ պետությունները եւ ՅՈՒՆԻՔ-ի հայաստանյան կլաստերը, ինչպես նաեւ Հայաստանում ԵՄ պատվիրակությունը»։

Իմացիր ավելին

Մամուլի հաղորդագրություն

Փառատոնի ծրագիր