Հայաստանում ԵՄ դեսպանը հանդիպել է «Ընդդեմ կանանց նկատմամբ բռնության կոալիցիայի» անդամներին
Հայաստանում ԵՄ դեսպան Վասիլիս Մարագոսը հունվարի 12-ին հանդիպել է «Ընդդեմ կանանց նկատմամբ բռնության կոալիցիայի» (ԸԿՆԲԿ) անդամներին։
Հանդիպումն ուղղված էր շեշտելու Եվրոպական միության շարունակական աջակցությունը կանանց հզորացմանը, գենդերային հավասարությանը եւ հակախտրականությանը։ Քննարկման առանցքում էր «Կանանց նկատմամբ բռնության եւ ընտանեկան բռնության կանխարգելման եւ դրա դեմ պայքարի մասին» Եվրոպայի խորհրդի կոնվենցիան (Ստամբուլի կոնվենցիա) վավերացնելու վերաբերյալ Հայաստանի հանձնառությունը։
Ինչպես նշված է Հայաստանում ԵՄ պատվիրակության ֆեյսբուքյան էջում, հանդիպումը նաեւ լավ հնարավորություն է ընձեռել քաղաքացիական հասարակության հետ ԵՄ ներգրավվածության ներկա իրավիճակը վերանայելու համար, ինչպես նաեւ ընդլայնման ուղղությամբ ձեռնարկվելիք հետագա քայլերի շուրջ համաձայնություն ձեռք բերելու տեսանկյունից:
«Հայաստանում քաղաքացիական հասարակությունը, այդ թվում՝ կանանց աջակցության խմբերը, ԼԳԲՏԻՔ+ համայնքները եւ հաշմանդամություն ունեցող անձանց կոալիցիան խտրականության դեմ պայքարի եւ խոցելի խմբերին աջակցության ուղղությամբ հրաշալի աշխատանք են կատարում: Կանանց եւ տղամարդկանց համար հավասար հնարավորությունների ապահովումը եւ խտրականության դեմ պայքարը հիմնաքարային են ԵՄ-Հայաստան հարաբերությունների ամրապնդմանն ուղղված ներառական գործընթացում», – ասվում է մամուլի հաղորդագրության մեջ։
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
Եվրոպական միությունը Հայաստանում մեկնարկում է հոգեկան առողջությանը նվիրված նոր նախաձեռնություն
Ո՛չ, ժամանակը Ռուսաստանի օգտին չի աշխատում. Բորելը կանխատեսում է Ռուսաստանի տնտեսության անկում պատերազմի եւ ԵՄ պատժամիջոցների պատճառով
ԵՄ-ն ազդարարել է Հայաստանի համար 270 միլիոն եվրո բյուջեով «Դիմակայունություն եւ աճ» նոր ծրագրի մասին
Հայաստանում ներկայացվել են հանրային կառավարման նոր սկզբունքները
Մայիս–հունիս ամիսներին Հայաստանում կանցկացվեն 2024 թվականի Եվրոպայի օրվան նվիրված միջոցառումներ
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
