Հայաստանում ներկայացվել են հանրային կառավարման նոր սկզբունքները
Հայաստանում ԵՄ պատվիրակությունը ողջունել է Տնտեսական համագործակցության եւ զարգացման կազմակերպության (ՏՀԶԿ) եւ ԵՄ կողմից ֆինանսավորվող «Աջակցություն ղեկավարման եւ կառավարման բարելավմանը» (ՍԻԳՄԱ) նախաձեռնության կողմից վերջերս ներկայացված հանրային կառավարման սկզբունքները:
Սկզբունքների ներկայացման միջոցառմանը բացման խոսքով հանդես են եկել ՀՀ վարչապետի աշխատակազմի ղեկավար Արայիկ Հարությունյանը եւ Հայաստանում ԵՄ պատվիրակության ղեկավար, դեսպան Վասիլիս Մարագոսը։
«Ուժեղ, հմուտ եւ լավ աշխատող պետական կառավարումը Հայաստանի քաղաքացիներին որակյալ ծառայություններ մատուցելու, ինչպես նաեւ ԵՄ-ի եւ Հայաստանի միջեւ Համապարփակ եւ ընդլայնված գործընկերության համաձայնագրի (ՀԸԳՀ) իրականացման եւ այդպիսով ԵՄ-Հայաստան հարաբերությունները խորացնելու նախապայմանն է»,- ասված է Հայաստանում ԵՄ պատվիրակության ֆեյսբուքյան գրառման մեջ։
ՍԻԳՄԱ-ն Եվրոպական հանձնաժողովի ու Տնտեսական համագործակցության եւ զարգացման կազմակերպության համատեղ նախաձեռնությունն է, որը ֆինանսավորվում է հիմնականում Եվրոպական միության կողմից: Այն պահանջարկի վրա հիմնված գործիք է, որն օգնում է հզորացնել ավելի լավ պետական կառավարման հիմքերը` այդպիսով աջակցելով սոցիալ-տնտեսական զարգացմանը:
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
ԵՄ-ն Հայաստանին է նվիրում ականազերծման ժամանակակից մեքենա
Հայաստանում մեկնարկել է EU4Dialogue ծրագրի նոր փուլը
Երեւանում տեղի է ունեցել Եվրոպական միության եւ Հայաստանի Հանրապետության միջեւ Մարդու իրավունքների շուրջ երկխոսության հերթական նիստը
Մարթա Կոս. «Երբ գնում եք սուպերմարկետ, փնտրե՛ք հայկական ծիրան, սալոր կամ բալ»
Իռլանդիան խոստանում է աջակցել Ուկրաինային եւ թեկնածու երկրներին ԵՄ Խորհրդի նախագահությունը ստանձնելիս
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
