Հայաստան. ԵՄ-ի համաֆինանսավորմամբ ծրագիրը կնպաստի Դիլիջանի տնտեսական աճին

Հայաստան. ԵՄ-ի համաֆինանսավորմամբ ծրագիրը կնպաստի Դիլիջանի տնտեսական աճին

8 Հունիսի, 2022

Հունիսի 7-ին պաշտոնապես մեկնարկեց ԵՄ-ի կողմից ֆինանսավորվող նոր ծրագիր, որն ուղղված է Հայաստանի հյուսիսում գտնվող Դիլիջանում և հարակից համայնքներում տնտեսական աճի խթանմանը։

«Դիլիջանում և հարակից համայնքներում մասնավոր ոլորտի կողմից ուղղորդվող տնտեսական աճի խթանում» ծրագիրը նպատակ ունի խթանել բիզնեսի զարգացումը և նպաստել Դիլիջան համայնքում աշխատատեղերի ստեղծմանը` ներդրումներ կատարելով կոշտ և փափուկ ենթակառուցվածքներում։ Օրինակ՝ խորհրդային ժամանակներից լքված կարի ֆաբրիկայի հատվածը կվերածվի բիզնեսի, ձեռնարկատերերի և համայնքային ծառայությունների համար նորարարական տարածքի:

Ծրագիրը կիրականացվի Դիլիջանի համայնքապետարանի կողմից՝ Եվրոպական միության և IDEA հիմնադրամի համաֆինանսավորմամբ։ Ծրագրում ԵՄ ներդրումը կազմում է 1 միլիոն եվրո։

«Մենք լիահույս ենք, որ վերագործարկվող Կարի ֆաբրիկան կխթանի տնտեսական ակտիվությունն ինչպես Դիլիջանում, այնպես էլ Տավուշի մարզի ողջ տարածքում՝ մարզային փոքր և միջին բիզնեսներին ընձեռելով ինկուբացիայի և աքսելերացիայի հնարավորություն, ինչպես նաև վերջիններիս հասու դարձնելով անհրաժեշտ խորհրդատվական և աջակցության ծառայություններ»,- ասել է Հայաստանում ԵՄ պատվիրակության ղեկավար Անդրեա Վիկտորինը։

Իմացիր ավելին

Մամուլի հաղորդագրություն




Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:

Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© Եվրոպական միություն,