Եվրոպական միությունը եւ ՄԱԿ-ի Զարգացման ծրագիրը տվել են Հայաստանում հանրային ոլորտի նորարարների համայնքի մեկնարկը

Դեկտեմբերի 5-ին տեղի կայացել է Հայաստանում ՄԱԿ-ի Զարգացման ծրագրի (ՄԱԶԾ) ԿԶՆ նորարարական կենտրոնի եւ Եվրոպական միության կողմից ֆինանսավորվող «Համայնքի ղեկավարները հանուն տնտեսական զարգացման» ծրագրի կազմակերպած հանրային ոլորտի նորարարության երկրորդ ֆորումը։

Միջոցառմամբ նշանավորվել է հանրային ոլորտի նորարարների համայնքի ձեւավորումը, որի նպատակն է նպաստել հանրային եւ համայնքային ծառայողների մտածելակերպում եւ գործելակերպում փոփոխությունների նախաձեռնմանը։   

Այս համայնքը կմիավորի հանրային հատվածի, ակադեմիական շրջանակների եւ քաղաքացիական հասարակության փորձը: Այն կկիսվի լավագույն փորձով եւ կառաջարկի փորձնական ծրագրեր, դասընթացներ, գործիքներ եւ միջոցառումներ: Սա կնպաստի հանրային կազմակերպությունների կողմից տեղեկացված որոշումների կայացմանը եւ խնդիրների լուծմանը:

Միջոցառմանը ներկա էին Հայաստանի կառավարության, դոնոր համայնքի, ՄԱԿ-ի տարբեր հաստատությունների, պետական եւ մասնավոր հատվածների, ակադեմիական շրջանակների, քաղաքացիական հասարակության կազմակերպությունների եւ հանրային հատվածի ներկայացուցիչներ:

«Մեր գործընկերության առաջ մղմանը զուգընթաց՝ պետք է միասին աշխատենք մեր համատեղ օրակարգի շուրջ՝ այդ թվում, օրենքի գերակայության, ինչպես նաեւ թվային եւ կանաչ փոխակերպման համար անհրաժեշտ կարողությունների զարգացման ուղղությամբ՝ ի նպաստ Հայաստանի քաղաքացիների»,- իր խոսքում նշել է Հայաստանում ԵՄ պատվիրակության ղեկավար Վասիլիս Մարագոսը։   

Իմացիր ավելին

Մամուլի հաղորդագրություն

Համայնքի ղեկավարները հանուն տնտեսական զարգացման (ՀՀՏԶ)