Եվրոպական միությունը 300 միլիոն եվրո անհետաձգելի օգնություն է տրամադրել Ուկրաինային
15 Մարտի, 2022

Եվրոպական միությունը 300 միլիոն եվրո անհետաձգելի օգնություն է տրամադրել Ուկրաինային


Եվրոպական հանձնաժողովն այսօր 300 միլիոն եվրո է հատկացրել Ուկրաինային՝ որպես մակրոֆինանսական օգնության (ՄՖՕ): Ֆինանսական միջոցների հատկացումը կիրականացվի շտապ կարգով՝ օգնելու ամրապնդել Ուկրաինայի մակրոտնտեսական կայունությունը՝ Ռուսաստանի չհրահրված և չարդարացված ներխուժման ֆոնին:

Սա Ուկրաինային նոր՝ 1,2 միլիարդ եվրո արժողությամբ ՄՖՕ ծրագրի 600 միլիոն եվրոյի չափով առաջին տրանշի սկզբնական մասն է: Սպասվում է, որ հաջորդ շաբաթ կհատկացվի ևս 300 միլիոն եվրո:

Միևնույն ժամանակ, Հանձնաժողովն աշխատում է բոլոր ճակատներում՝ շտապ օգնություն ցուցաբերելով Ուկրաինային: Այն ներառում է ինչպես մարդասիրական օգնություն, այնպես էլ քաղաքացիական պաշտպանության աջակցություն: Մարտի 1-ին Եվրոպական հանձնաժողովի նախագահ Ուրսուլա ֆոն դեր Լեյենը հայտարարեց, որ ԵՄ-ն առնվազն 500 միլիոն եվրո լրացուցիչ ֆինանսավորում կհատկացնի ճգնաժամի հումանիտար հետևանքների վերացմանն ուղղված գործողությունների համար:

Հանձնաժողովի նախագահ Ուրսուլա ֆոն դեր Լեյենն ասել է. «Պուտինի չհիմնավորված պատերազմը ոչ միայն դաժան ռազմական, այլև տնտեսական ճնշում է գործադրում Ուկրաինայի և նրա խիզախ ժողովրդի վրա։ Եվրոպան վճռականորեն կանգնած է նրանց կողքին։ Ուրախ եմ հայտարարել, որ ԵՄ-ն այսօր որպես շտապ մակրոֆինանսական օգնության 300 միլիոն եվրո է հատկացրել Ուկրաինայի ֆինանսներին աջակցելու համար։ Սրան կհետևեն այլ վճարումներ և փաթեթներ»:

Եվրոպական հանձնաժողովի ղեկավարի տնտեսության գծով տեղակալ Վալդիս Դոմբրովսկիսն հավելել է. «Սա վճռորոշ ժամանակաշրջան է, երբ Ուկրաինան մեր շտապ օգնության կարիքն ունի: Մենք գործել ենք ռեկորդային արագությամբ Ուկրաինային շտապ մակրոֆինանսական օգնության առաջին մասի տրամադրման հարցում… Այն կօգնի կենսական նշանակության աջակցություն տրամադրել Ուկրաինայի և նրա ժողովրդի դեմ ռուսական չգրգռված ագրեսիայի պատճառով առաջացած ծանր տառապանքների և դժվարությունների ժամանակ: Եվրոպան անում է ամեն ինչ՝ աջակցելու Ուկրաինային իր դժվար պահին, քանի որ նրա ժողովուրդը որպես ինքնիշխան պետություն պայքարում է ժողովրդավարության և ազատության համար»:

Իմացիր ավելին

Մամուլի հաղորդագրություն



Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը:


Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,