«EU4Gender Equality» ծրագիրը խրախուսում է կանանց և տղամարդկանց հավասարությունը ՀՀ Տավուշի մարզում

«EU4GenderEquality» ծրագիրն աջակցում է ՀՀ Տավուշի մարզում վերջերս կազմակերպված «Հոգատարություն հանուն հավասարության» դասընթացին։

Դասընթացը, որի ժամանակ երիտասարդ կանայք և տղամարդիկ քննարկում էին ընտանիքում կանանց և տղամարդկանց դերերը, կազմակերպել էր Գյումրու «Երիտասարդական նախաձեռնությունների կենտրոնը» և անցկացվում էր Վորլդ Վիժն Հայաստան հիմնադրամի կողմից։ Դասընթացն ուղղված է այդ դերերի վերաբերյալ կարծրատիպերի հաղթահարմանը, երեխայի խնամքում և կենցաղային հոգսերում տղամարդկանց ներգրավվածության մեծացմանը։

«Մեր հանդիպումներն ուղղված են ընտանիքում աղջիկ երեխայի արժևորմանը, ինչը կհանգեցնի պտղի սեռով պայմանավորված հղիության արհեստական ընդհատումների նվազմանը։ Մեր վերջնական նպատակը գենդերային կարծրատիպերը կոտրելն է, կանանց և տղամարդկանց դերերի հավասար բաշխումն ընտանիքում։ Եվ կանայք, և տղամարդիկ պետք է հավասարապես ներգրավվեն ընտանիքի բարեկեցությունն ապահովելու գործում»,- ասել է Վորլդ Վիժն Հայաստանի սոցիալական աշխատող Նարինե Ստեփանյանը։

«Հոգատարություն հանուն հավասարության» դասընթացը կազմակերպվում է Եվրոպական միության կողմից ֆինանսավորվող և ՄԱԿ-ի Բնակչության հիմնադրամի ու «ՄԱԿ կանայք» կազմակերպության կողմից Արևելյան գործընկերության երկրներում իրականացվող «ԵՄ-ն հանուն կանանց և տղամարդկանց իրավահավասարության. Միասին ընդդեմ գենդերային կարծրատիպերի և բռնության» (EU4GenderEquality) ծրագրի շրջանակներում։

Իմացիր ավելին

Մամուլի հաղորդագրություն