«Erasmus+ revealed». առաջին ձեռքից պատմություններ եւ խորհուրդներ նոր փոդքաստում

ԵՄ կողմից ֆինանսավորվող «Էրազմուս+» ծրագիրը թողարկել է նոր փոդքաստ, որի նպատակն է հիմնական ուղեցույց դառնալ բոլոր նրանց համար, ովքեր ցանկանում են հասկանալ ծրագրի առավելությունները:

«Erasmus+ revealed»-ը ութ դրվագներից բաղկացած շարք է, բոլորը՝ անգլերեն, որոնցից յուրաքանչյուրը նվիրված է ծրագրի հայտնի կողմերի ուսումնասիրությանը: Այն պարզ եւ հակիրճ պատասխաններ է տալիս «Էրազմուս+»-ի վերաբերյալ առավել հաճախ տրվող մի քանի հարցերի, ինչպես նաեւ այն ամենի մասին, թե ինչ է այն առաջարկում:

Անկախ նրանից, թե դուք սովորում, դասավանդում կամ կրթության որեւէ ասպեկտում ներգրավված կազմակերպության ներկայացուցիչ եք, «Erasmus+ revealed»-ը ձեզ կօգնի կողմնորոշվել «Էրազմուս+»-ի առաջարկների ծովում եւ այդպիսով փոխակերպել ձեր կրթական եւ մասնագիտական ուղին:

Առաջին դրվագը զրույց է Եվրոպական հանձնաժողովի կրթության, երիտասարդության, սպորտի եւ մշակույթի դեպարտամենտի (DG EAC) գլխավոր տնօրեն Պիա Արենկիլդե-Հանսենի հետ: Նա ներկայացնում է ծրագրի համառոտ պատմությունն ու նախապատմությունը՝ ուրվագծելով դրա հիմնական նպատակները եւ ներկայացնելով մասնակցության եւ շրջանակի հիմնական տարրերը: Ունկնդիրները պատկերացում կստանան գործողությունների յուրաքանչյուր տեսակի եւ դրանց նշանակության մասին:

Դուք կարող եք նաեւ այցելել «EU NEIGHBOURS East» ծրագրի «Shape Your Future» էջը՝ գտնելու «Էրազմուս+»-ի, երիտասարդների համար հնարավորությունների, ինչպես նաեւ Հայաստանում, Ադրբեջանում, Վրաստանում, Մոլդովայում եւ Ուկրաինայում ձեր հմտությունները զարգացնելու մասին փաստաթերթերի հղումները։

Իմացիր ավելին

Մամուլի հաղորդագրություն