ԵՄ-ը Հայաստանում գործարկում է նոր «Երիտասարդները գործելիս» ծրագիրը

Հունիսի 12-ին Երեւանում մեկնարկեց Եվրոպական միության եւ Կոնրադ Ադենաուեր հիմնադրամի կողմից համաֆինանսավորվող «Երիտասարդները գործելիս․ Հայաստանում երիտասարդների զորեղացում եւ առաջնորդության խթանում» ծրագիրը։

2 մլն եվրո բյուջե ունեցող ծրագիրն իրականացվելու է տեղական գործընկերների՝ Վորլդ Վիժն Հայաստանի, Երիտասարդական նախաձեռնությունների կենտրոնի եւ Մեդիա նախաձեռնությունների կենտրոնի հետ համատեղ։

Գալիք 3 տարիների ընթացքում ծրագիրը կենտրոնանալու է երիտասարդների առաջնորդության հմտությունների զարգացման, երիտասարդական աշխատողների եւ երիտասարդական հասարակական կազմակերպությունների կարողությունների ամրապնդման եւ երիտասարդների մեդիա գրագիտության մակարդակի բարձրացման վրա։

«Հայաստանում երիտասարդներն ունեն ահռելի էներգիա, ստեղծարարություն եւ ձգտում, ինչը նրանց դարձնում է դրական սոցիալական փոփոխությունների եւ ավելի ներառական, հավասար եւ կայուն ապագա կերտելու առաջամարտիկներ»,- ծրագրի մեկնարկի առթիվ իր խոսքում նշել է Հայաստանում ԵՄ պատվիրականության ղեկավար, դեսպան Անդրեա Վիկտորինը։

Իմացիր ավելին

Մամուլի հաղորդագրություն