ԵՄ-ն ներկայացրել է հակասեմիտիզմի դեմ պայքարի երբևէ առաջին ռազմավարությունը

Հոկտեմբերի 5-ին Եվրոպական հանձնաժողովը ներկայացրեց հակասեմիտիզմի դեմ պայքարին և հրեական կյանքի ակտիվացմանն ուղղված ԵՄ երբևէ առաջին ռազմավարությունը:

2021-2030 թվականների ռազմավարությունում շարադրված են մի շարք միջոցառումներ, որոնք ձևակերպված են երեք հիմնական ուղղությունների շուրջ. հակասեմիտիզմի բոլոր դրսևորումների կանխում, հրեական կյանքի պաշտպանություն և ակտիվացում, հետազոտություններին, կրթությանը և Հոլոքոստի հիշատակին նպաստում: Ռազմավարությունն առաջարկում է միջոցներ ձեռնարկել առցանց տիրույթում հակասեմիտիզմի դրսևորումները զսպելու նպատակով առցանց ընկերությունների հետ համագործակցությունն ակտիվացնելու, հանրային տարածքները և երկրպագության վայրերն ավելի լավ պաշտպանելու, ժամանակակից հակասեմիտիզմի եվրոպական հետազոտական կենտրոն ստեղծելու և Հոլոքոստի իրականացման վայրերի ցանց ստեղծելու ուղղությամբ: Այս միջոցները կամրապնդվեն հակասեմիտիզմի դեմ գլոբալ պայքարն առաջնորդելու ԵՄ միջազգային ջանքերով, որն, ըստ Հանձնաժողովի, «մտահոգիչ վերելք է ապրում Եվրոպայում և դրանից դուրս»:

ԵՄ-ն կօգտագործի առկա բոլոր գործիքները, որպեսզի գործընկեր երկրներին ներգրավի ԵՄ հարևանության տարածքում և դրանից դուրս հակասեմիտիզմի բոլոր դրսևորումների դեմ պայքարում, այդ թվում՝ միջազգային կազմակերպությունների հետ համագործակցության միջոցով:

Իմացիր ավելին

Մամուլի հաղորդագրություն

Հակասեմիտիզմի դեմ պայքարի և հրեական կյանքի ակտիվացման ԵՄ ռազմավարություն