«ԵՄ-ն` բիզնեսի համար» նախաձեռնության աջակցությամբ Գյումրիում բացվել է զբոսաշրջիկների տեղեկատվական կենտրոն-սրճարան
Հայաստանի երկրորդ խոշորագույն քաղաքում՝ Գյումրիում, ԵՄ աջակցությամբ բացվել է «ROOF 25» տեղեկատվական կենտրոն-սրճարանը։
Կենտրոնը ստեղծվել է Գյումրիի մշակութային ու ճարտարապետական հարուստ ժառանգությունը զբոսաշրջիկներին ներկայացնելու նպատակով։
Գյումրիի Հաղթանակի պողոտա 25 հասցեում տեղակայված ROOF 25-ում զբոսաշրջիկները հնարավորություն կունենան VR ակնոցներով շրջել քաղաքի տեսարժան վայրերով, գնել գյումրեցի արհեստավորների ձեռագործ աշխատանքները եւ վայելել տեղական համեղ ուտեստներ։ Կենտրոնում ստեղծվել է «Կումայրի արգելոց-թանգարանի» խճանկարային քարտեզը, որը հավաքված է կարմիր եւ սեւ տուֆով։
Տարածքում նախատեսվում է անցկացնել մշակութային միջոցառումներ, ցուցահանդեսներ ու դասական համերգներ։
Նախագծի իրականացմանն աջակցել է «ԵՄ-ն` բիզնեսի համար» նախաձեռնության «Նորարարական տուրիզմի եւ տեխնոլոգիաների զարգացում Հայաստանի համար» ծրագիրը, որը համաֆինանսավորվում է Եվրոպական միության եւ Գերմանիայի դաշնային հանրապետության տնտեսական համագործակցության եւ զարգացման նախարարության կողմից, այն իրականացնում է Գերմանիայի Միջազգային Համագործակցության Ընկերությունը (ԳՄՀԸ)։
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
Եվրոպական միությունը նշում է Սերգեյ Փարաջանովի 100-ամյակը՝ Երեւանում ցուցադրելով նրա ֆիլմերը
ՎԶԵԲ-ը եւ Կանաչ կլիմայի հիմնադրամը աջակցում են կանաչ ներդրումներին Հայաստանում
Գյումրիի եվրաակումբն իսպանական չուրոսի պատրաստմամբ մեկնարկել է «Եվրախոհանոց» միջոցառումների շարքը
Եվրոպական միությունը Հայաստանում մեկնարկում է հոգեկան առողջությանը նվիրված նոր նախաձեռնություն
Ո՛չ, ժամանակը Ռուսաստանի օգտին չի աշխատում. Բորելը կանխատեսում է Ռուսաստանի տնտեսության անկում պատերազմի եւ ԵՄ պատժամիջոցների պատճառով
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
