ՎԶԵԲ-ը եւ Կանաչ կլիմայի հիմնադրամը աջակցում են կանաչ ներդրումներին Հայաստանում
7 Մայիսի, 2024

ՎԶԵԲ-ը եւ Կանաչ կլիմայի հիմնադրամը աջակցում են կանաչ ներդրումներին Հայաստանում


Վերակառուցման եւ զարգացման եվրոպական բանկն (ՎԶԵԲ) ու Կանաչ կլիմայի հիմնադրամը (GCF) համատեղ 10 միլիոն ԱՄՆ դոլարի (9.3 միլիոն եվրո) վարկ են տրամադրել «Ինեկոբանկին»՝ կորպորատիվ ու փոքր եւ միջին ձեռնարկությունների (ՓՄՁ-ներ) կանաչ ներդրումները վարկավորելու համար։

Նշված գումարից ՎԶԵԲ-ը կտրամադրի 7,5 մլն ԱՄՆ դոլարը (7,0 մլն եվրո), իսկ GCF-ն՝ 2,5 մլն ԱՄՆ դոլարը (2,3 մլն եվրո):

Միջոցները տրամադրվում են ՎԶԵԲ-ի Կանաչ տնտեսության ֆինանսավորման ծրագրի (ԿՏՖԾ՝ GEFF) շրջանակներում, որը նախատեսված է կանաչ անցման փուլում գտնվող ձեռնարկություններին աջակցելու եւ կլիմայի հարմարման եւ մեղմման տեխնոլոգիաներում ներդրումներ կատարելու համար: Նշված տեխնոլոգիաները նաեւ օգնում են բիզնեսին բարձրացնել իրենց արտադրողականությունը եւ նվազեցնել ծախսերը:

Ներդրումների հնարավոր ուղղությունները ներառում են այն տեխնոլոգիաները, որոնք խթանում են էներգիայի եւ ջրային ռեսուրսների կայուն օգտագործումը, ինչպիսիք են ջերմամեկուսացումը, ֆոտովոլտային արեւային վահանակները, երկրաջերմային ջերմային պոմպերը, էլեկտրական մեքենաները, էլեկտրական մեքենաների լիցքավորման ենթակառուցվածքները եւ ջրի արդյունավետ ոռոգման համակարգերը: Հայաստանում առկա կանաչ տեխնոլոգիաները թվարկված են GEFF-ի Կանաչ տեխնոլոգիաների ցանկում։

«Ինեկոբանկը» Հայաստանի առաջատար բանկերից մեկն է եւ ՎԶԵԲ-ի վաղեմի գործընկերը: 1992 թվականից Հայաստանում իր գործունեության մեկնարկից ի վեր ՎԶԵԲ-ը 2 միլիարդ եվրո է ներդրել երկրի ֆինանսական, կորպորատիվ, ենթակառուցվածքային եւ էներգետիկ ոլորտների 210 նախագծերում, որի 92 տոկոսը՝ մասնավոր հատվածում:

Իմացիր ավելին

Մամուլի հաղորդագրություն

Կանաչ կլիմայի հիմնադրամ



ԱՄԵՆԱԿԱՐԴԱՑԱԾ



Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը:


Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,