ԵՄ-ն՝ Հայաստանի եւ Ադրբեջանի միջեւ համաձայնագրի նախաստորագրման մասին. «Ողջունելի լուր՝ տեւական խաղաղության ճանապարհին»
ԵՄ-ն ջերմորեն ողջունել է ԱՄՆ նախագահ Դոնալդ Թրամփի նախաձեռնությամբ կայացած Հայաստանի վարչապետ Նիկոլ Փաշինյանի եւ Ադրբեջանի նախագահ Իլհամ Ալիեւի հանդիպումը եւ Հայաստանի ու Ադրբեջանի միջեւ խաղաղության եւ միջպետական հարաբերությունների հաստատման մասին համաձայնագրի նախաստորագրումը։
Եվրոպական խորհրդի նախագահ Անտոնիո Կոստան եւ Եվրոպական հանձնաժողովի նախագահ Ուրսուլա ֆոն դեր Լեյենը համատեղ հայտարարության մեջ նշել են, որ Սպիտակ տանը նախագահ Թրամփի ներկայությամբ Հայաստանի եւ Ադրբեջանի միջեւ՝ Հայաստանի վարչապետ Փաշինյանի եւ Ադրբեջանի նախագահ Ալիեւի միջեւ ստորագրված քաղաքական հռչակագիրը «նշանակալի ձեռքբերում է ինչպես Հայաստանի, այնպես էլ Ադրբեջանի համար, որը երկու երկրների եւ ամբողջ տարածաշրջանի համար ճանապարհ է հարթում դեպի երկարատեւ, կայուն խաղաղություն, ինչպես նաեւ ամփոփում է ԵՄ-ի տարիների ջանքերը»։
X-ում իր անձնական գրառման մեջ ֆոն դեր Լեյենը Հայաստանի եւ Ադրբեջանի հռչակագիրn անվանել է «ողջունելի լուր՝ տեւական խաղաղության ճանապարհին»՝ հավելելով, որ «այժմ կարեւոր է համաձայնեցված քայլերի ժամանակին իրականացումը»։
Նախագահ Կոստան եւ նախագահ ֆոն դեր Լեյենը նշել են, որ իրենց անկեղծորեն ոգեշնչել են Ադրբեջանի եւ Հայաստանի առաջնորդների կողմից վերջին մի քանի տարիների ընթացքում երկկողմ հարաբերությունների ուղղությամբ ձեռնարկված վճռական քայլերը, որոնք հիմնվում են Բրյուսելում նրանց միջեւ կայացած նախորդ քննարկումների շարքի եւ 2025 թվականի մայիսին Տիրանայում Եվրոպական քաղաքական համայնքի գագաթնաժողովի շրջանակներում տեղի ունեցած վերջին հանդիպումների վրա։
ԵՄ առաջնորդների խոսքով՝ Եվրոպական միությունը պատրաստ է ներդրումներ կատարել տարածաշրջանային կապուղիների եւ դրանց լիակատար բացման ուղղությամբ՝ նախեւառաջ օգուտ բերելու հակամարտության պատճառով տարաբաժանված բնակչությանը եւ տարածաշրջանը մոտեցնելու կայուն խաղաղության, կայունության եւ բարգավաճման։
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
YEA10. Երիտասարդ եվրոպական դեսպանները տոնում են կապի, ոգեշնչման եւ փոփոխությունների տասնամյակը
ՎԶԵԲ-ը, ԵՄ-ն եւ ԱրմՍվիսԲանկն աջակցում են Հայաստանում փախստականներին եւ երիտասարդներին
Հայաստան. ԵՄ խորհուրդը նշանակել է Եվրոպական միության գործընկերության առաքելության ղեկավար
Եվրոպական միություն. «Մենք ակնկալում ենք շարունակել մեր սերտ համագործակցությունը Հայաստանի ապագա կառավարության եւ խորհրդարանի հետ»
ԵՄ բարձրաստիճան պաշտոնյաները շնորհավորել են Նիկոլ Փաշինյանին՝ խորհրդարանական ընտրություններում հաղթանակի առթիվ
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
