ԵՄ ֆինանսավորմամբ եւ ՄԱԶԾ-ի կողմից իրականացվող ծրագիրը նպաստում է ականների եւ պայթուցիկ զինամթերքի վտանգի վերաբերյալ իրազեկվածության մակարդակի բարձրացմանը
Եվրոպական միության ֆինանսավորմամբ իրականացվող «Հայաստանում ականազերծման ազգային կարողությունների հզորացում» ծրագիրը կազմակերպել է ականների եւ պայթուցիկ զինամթերքի վտանգի վերաբերյալ իրազեկվածության մակարդակի բարձրացմանն ուղղված միջոցառումների շարք։
Այն մեկնարկել է 2023-2027թթ․ Հակաականային գործունեության ազգային ռազմավարության եւ գործողությունների ծրագրի ինտերակտիվ քննարկմամբ։
Քննարկմանը հաջորդել է Հայաստանի նկարիչների միությունում կայացած «Արվեստն ընդդեմ ականների» խորագրով ցուցահանդեսը, որի ընթացքում ցուցադրվել են Հայաստանի՝ ականներից տուժած համայնքներում բնակվող երեխաների աշխատանքները։ Ցուցահանդեսը եւս մեկ անգամ ընդգծել է տուժած մարզերի եւ համայնքների շրջանում ականների վերաբերյալ իրազեկվածության եւ հումանիտար ականազերծման կարեւորությունը՝ միաժամանակ այցելուներին տեղեկացնելով այն մարտահրավերները, որոնց առնչվում են ականներից տուժած համայնքներում բնակվող երեխաները։
Միջոցառումներն ավարտվել են Հայաստանի հումանիտար ականազերծման եւ փորձագիտական կենտրոնի (ՀԱՓԿ) աշխատակիցների համար «Առաջին օգնություն, արտակարգ իրավիճակներում բժշկական օգնություն» թեմայով ինտերակտիվ դասընթացով սիմուլյացիոն վարժության ուղեկցությամբ, որը կազմակերպվել էր Հայկական կարմիր խաչի ընկերության հետ համագործակցությամբ։ Դասընթացի արդյունքում ՀԱՓԿ աշխատակիցները, որոնք իրենց առօրյա գործունեության ընթացքում առնչվում են ականների եւ պայթուցիկ զինամթերքի հետ, ստացել են անհրաժեշտ պրակտիկ, թարմ գիտելիքներ եւ հմտություններ։
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
Եվրոպական միությունը Հայաստանում մեկնարկում է հոգեկան առողջությանը նվիրված նոր նախաձեռնություն
Ո՛չ, ժամանակը Ռուսաստանի օգտին չի աշխատում. Բորելը կանխատեսում է Ռուսաստանի տնտեսության անկում պատերազմի եւ ԵՄ պատժամիջոցների պատճառով
ԵՄ-ն ազդարարել է Հայաստանի համար 270 միլիոն եվրո բյուջեով «Դիմակայունություն եւ աճ» նոր ծրագրի մասին
Հայաստանում ներկայացվել են հանրային կառավարման նոր սկզբունքները
Մայիս–հունիս ամիսներին Հայաստանում կանցկացվեն 2024 թվականի Եվրոպայի օրվան նվիրված միջոցառումներ
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
