ԵՄ դեսպանները հաստատել են Ռուսաստանի և Բելառուսի դեմ պատժամիջոցների վեցերորդ փաթեթը

ԵՄ դեսպանները հաստատել են Ռուսաստանի և Բելառուսի դեմ պատժամիջոցների վեցերորդ փաթեթը

3 Հունիսի, 2022

Հունիսի 2-ին Եվրոպական միությունում մշտական ներկայացուցիչների կոմիտեն (COREPER II) հավանություն է տվել պատժամիջոցների վեցերորդ փաթեթին, որը մայիսի 30-ին առաջարկվել էր Եվրոպական խորհրդի արտահերթ նիստի կողմից։

Այս փաթեթը ներառում է.

  • Պատժամիջոցներ անվտանգության և ռազմական աշխատակազմի անդամների (հատկապես նրանց, ում անունը կապված է Բուչայի ջարդերի հետ), արդյունաբերական և տեխնոլոգիական հատվածի՝ ռուսական ագրեսիայի հետ կապ ունեցող սուբյեկտների, օլիգարխների, ռուսական քարոզչության դեմքերի և նրանց ընտանիքի անդամների դեմ:
  • Ռուսաստանից ծովով նավթի ներկրման արգելք։ Այս արգելքը, համակցված Գերմանիայի և Լեհաստանի ազգային որոշումների հետ, մինչև տարեվերջ ռուսական նավթի ներմուծումը կնվազեցնի 92%-ով։
  • Նշված արգելքին հնարավորինս արագ կլրացնի Ռուսաստանից նավթամուղով նավթի ներկրման արգելքը։
  • Ռուսական երեք բանկերի, այդ թվում՝ Սբերբանկի, ինչպես նաև մեկ բելառուսական բանկի անջատում SWIFT համակարգից։
  • Ռուսաստան արտահանման արգելքների երկարաձգում, այդ թվում՝ քիմիական և բարձր տեխնոլոգիական ապրանքների համար։
  • Ռուսաստանի նավթային հատվածին ծառայությունների մատուցման արգելք։
  • Քարոզչության տարածմամբ զբաղվող ռուսաստանյան երեք լրատվամիջոցների արգելք։
  • ՌԴ օպերատորներին խորհրդատվական ծառայությունների մատուցման արգելք։

Պատժամիջոցների այս փաթեթը Խորհրդի կողմից կընդունվի գրավոր ընթացակարգով՝ վաղը ԵՄ պաշտոնական ամսագրում հրապարակվելու նպատակով։

Իմացիր ավելին

Մամուլի հաղորդագրություն




Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:

Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© Եվրոպական միություն,