Աշխատանքային արտահագուստ արտադրող հայկական ընկերությունները մասնակցել են Գերմանիայում կայացած A+A 2025 ցուցահանդեսին

Հայկական ընկերությունները մասնակցել են աշխատանքային միջավայրում անվտանգության ապահովման եւ առողջության պահպանման ոլորտի աշխարհի առաջատար միջազգային ցուցահանդեսին՝ A+A 2025-ին, որը կայացել է 2025 թվականի նոյեմբերի 4-ից 8-ը Գերմանիայի Դյուսելդորֆ քաղաքում։

Այս մասնակցությունը հնարավոր դարձավ շնորհիվ Միջազգային առեւտրի կենտրոնի (ITC) աջակցության՝ ԵՄ ֆինանսավորմամբ իրականացվող «Հայաստանում հագուստի եւ ագրոբիզնեսի կայուն արժեշղթաների կառուցում» ծրագրի շրջանակում եւ ՀՀ էկոնոմիկայի նախարարության հետ սերտ համագործակցությամբ։

A+A 2025-ին մասնակցում էին 58 երկրներից 2000 ցուցադրողներ։ Աշխատանքային արտահագուստ արտադրող 8 հայկական ընկերություններ հնարավորություն ստացան իրենց արտադրանքը ներկայացնել միջազգային գնորդներին եւ ծանոթանալ ոլորտի վերջին նորարարություններին։

«Այս իրադարձությունը շրջադարձային էր աշխատանքային արտահագուստ արտադրող հայկական ընկերությունների համար՝ ընդգծելով նրանց հմուտ մասնագիտական կարողությունները, բարձր որակական չափանիշները եւ միջազգային շուկաներում ընդլայնման պատրաստակամությունը», — ասվում է Հայաստանում ԵՄ պատվիրակության մամուլի հաղորդագրության մեջ։

Իմացիր ավելին

Մամուլի հաղորդագրություն