ՎԶԵԲ-ը և Փողերի լվացման դեմ պայքարի հավաստագրված մասնագետների ասոցիացիան կաջակցեն համապատասխանության մասնագետներին, այդ թվում` Արևելյան գործընկերության երկրներում
25 Հունիսի, 2021

ՎԶԵԲ-ը և Փողերի լվացման դեմ պայքարի հավաստագրված մասնագետների ասոցիացիան կաջակցեն համապատասխանության մասնագետներին, այդ թվում` Արևելյան գործընկերության երկրներում


Վերակառուցման և զարգացման եվրոպական բանկն (ՎԶԵԲ) ու Փողերի լվացման դեմ պայքարի հավաստագրված մասնագետների ասոցիացիան (ACAMS) գործարկել են վերջինիս Եվրասիական մասնաճյուղը` Արևելյան Եվրոպայի, Կովկասի և Կենտրոնական Ասիայի տարածաշրջաններում համապատասխանության մասնագետներին ֆինանսական հանցագործությունների դեմ պայքարի հարցում աջակցելու համար:

Մասնաճյուղը մի շարք երկրներից, այդ թվում` Հայաստանից, Ադրբեջանից, Վրաստանից, Մոլդովայից և Ուկրաինայից գործընկերների համար կապերի հաստատման, համագործակցային նախաձեռնությունների, վերապատրաստման ու գիտելիքների և լավագույն պրակտիկաների փոխանակման հարթակ է ծառայելու՝ տարածաշրջանային ռիսկերին և կարգավորմանն առնչվող խնդիրներին արձագանքելու նպատակով:

Նոր նախաձեռնությունը հիմնված է ՎԶԵԲ գործընկեր ֆինանսական հաստատությունների բանկային աշխատողներին փողերի լվացման, ահաբեկչության ֆինանսավորման, պատժամիջոցներից խուսափելու, խարդախության և այլ ֆինանսական հանցագործությունների նկատմամբ նորմատիվ պահանջներին հետևելու ռազմավարությունների ուսուցման շուրջ երկու կազմակերպությունների միջև ձեռք բերված համաձայնության վրա:

Ներկա դրությամբ փողերի լվացման դեմ պայքարի հավաստագրված մասնագետի (CAMS) որակավորում ստանալու համար կրթաթոշակ են ստացել համապատասխանության 70 մասնագետներ Ուկրաինայից, Վրաստանից և Մոլդովայից: CAMS հավաստագիրը գերազանցության համաշխարհային նշաձող է համարվում ֆինանսական հանցագործությունների կանխարգելման ոլորտում: ՎԶԵԲ-ի կրթաթոշակները ֆինանսավորվել են Եվրամիության կողմից:

Իմացիր ավելին

Մամուլի հաղորդագրություն

Փողերի լվացման դեմ պայքարի հավաստագրված մասնագետների ասոցիացիա

 



Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:


Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,