Պորտուգալիան կնախագահի ԵՄ–ում՝ խոստանալով գլոբալ Եվրոպա և կենտրոնացում արդար, կանաչ ու թվային վերականգնման վրա

Եվրոպական միության խորհրդի նոր Պորտուգալիայի նախագահության հիմնական գերակայություններից մեկն արդյունավետ բազմակողմանի քաղաքականությանը հավատարիմ գլոբալ Եվրոպան է, որը հատուկ ուշադրություն պետք է դարձնի հարևան երկրների նկատմամբ։

 Պորտուգալիայի նախագահությունը, որը սկսվել է 2021 թվականի հունվարի 1-ից, «կպաշտպանի հանուն զարգացման արդյունքամետ միջազգային գործընկերությունները և կխթանի մասնավորապես առողջապահության և կրթության ոլորտներում մարդկային զարգացման վերաբերյալ բանավեճերը, այդ թվում՝ գենդերային հավասարության և կանանց հզորացման հարցերի շուրջ»:

 Պորտուգալիայի նախագահությունը «Գործելու ժամանակը. արդար, կանաչ և թվային վերականգնում» նշանաբանի ներքո նպատակ ունի ամրապնդել Եվրոպայի դիմակայունությունը և եվրոպական սոցիալական մոդելի նկատմամբ նրա քաղաքացիների վստահությունը՝ խթանելով համերաշխության, մերձեցման և համախմբվածության ընդհանուր արժեքների վրա հիմնված Միությունը՝ ներկայիս համավարակային ճգնաժամից ուշքի գալու համար:

Այն նպատակ է հետապնդելու ապահովել, որպեսզի կլիմայի և թվային տեխնոլոգիաների ոլորտներում փոփոխությունները տեղի ունենան ներառական ձևով՝ առանց որևէ մեկին անուշադրության մատնելու՝ միաժամանակ ուշադրության արժանացնելով համավարակի սոցիալական ասպեկտը:

Պորտուգալիան մտադիր է առաջնահերթություն տալ «Եվրոպայի կանաչ գործարքի» իրականացմանը՝ հետապնդելով կայուն տնտեսական վերականգնման նպատակ, և խթանել կլիմայի մասին առաջին եվրոպական օրենքի ընդունումը: 

Պորտուգալիայի նախագահությունը կաջակցի նաև Եվրոպական առողջապահական միության ստեղծմանը, որը կամրապնդի հանրային առողջապահական ճգնաժամերին արձագանքելու և անվտանգ պատվաստանյութեր արտադրելու ու բաշխելու կարողությունը Եվրոպայում և դրա սահմաններից դուրս։

Պորտուգալիան ԵՄ խորհրդում կնախագահի մինչև 2021 թվականի հունիսի 30-ը:

Իմանալ ավելին

Մամուլի հաղորդագրություն

Պորտուգալիայի գերակայությունները նախագահության ընթացքում