ԵՄ-ն ավելացնում է մարդասիրական օգնությունն Ուկրաինային 

ԵՄ-ն ավելացնում է մարդասիրական օգնությունն Ուկրաինային 

1 Մարտի, 2022

Եվրոպական հանձնաժողովը հայտարարել է, որ Ուկրաինայում պատերազմի ֆոնին կավելացնի մարդասիրական օգնությունը երկրին և նրա հարևան պետություններին, որոնք ստիպված են ընդունել ուկրաինացի փախստականներին։

ՄԱԿ-ի հրատապ օգնության կոչի շրջանակում Հանձնաժողովը լրացուցիչ 90 միլիոն եվրո կհատկացնի հրատապ օգնության ծրագրերին՝ օգնելու Ուկրաինայում պատերազմից տուժած խաղաղ բնակիչներին: Ֆինանսավորումը կօգնի մարդկանց Ուկրաինայում և Մոլդովայում: ԵՄ այս նոր մարդասիրական օգնության շնորհիվ նրանք կապահովվեն սնունդով, ջրով, բժշկական օգնությամբ, ապաստանով և առաջին անհրաժեշտության պարագաներով:

Հանձնաժողովը համակարգում է նաև ԵՄ Քաղաքացիական պաշտպանության մեխանիզմի միջոցով Ուկրաինային ուղղված նյութական աջակցության տրամադրումը: Ներկայում իրենց աջակցությունն են առաջարկել 20 անդամ երկրներ՝ Ավստրիան, Բելգիան, Խորվաթիան, Դանիան, Ֆինլանդիան, Ֆրանսիան, Գերմանիան, Հունաստանը, Իտալիան, Իռլանդիան, Լատվիան, Լիտվան, Մալթան, Լեհաստանը, Ռումինիան, Սլովակիան, Սլովենիան, Իսպանիան, Շվեդիան և Նիդեռլանդները: Այն ներառում է 8 միլիոն միավոր բժշկական առաջին օգնության պարագաներ և քաղաքացիական պաշտպանության աջակցություն: Սլովենիայից առաջին բեռնատարը փետրվարի 27-ին ժամանել է Ուկրաինայի մայրաքաղաք Կիև։

Մոլդովան, իր հերթին, ակտիվացրել է այնտեղ ժամանած ուկրաինացիներին աջակցության մեխանիզմը։ Մոլդովային արդեն իսկ հրատապ աջակցություն են առաջարկել Ավստրիան, Ֆրանսիան և Նիդեռլանդները, մասնավորապես՝ ապաստանի և բժշկական առաջին օգնության պարագաների տեսքով:

«Քաղաքացիները ամենաբարձր գինն են վճարում Ուկրաինայի վրա ռուսական անօրինական ռազմական ագրեսիայի համար։ Պատերազմը հղի է միլիոնավոր ուկրաինացիների տեղահանման սպառնալիքով՝ հանգեցնելով մարդասիրական կարիքների կտրուկ աճի, ընդ որում ինչպես Ուկրաինայի ներսում, այնպես էլ հարևան երկրներում, որտեղ ուկրաինացիներն ապահովություն են փնտրում»,- ասել է Ճգնաժամային կառավարման հարցերով եվրահանձնակատար Յանեզ Լենարչիչը:

Միևնույն ժամանակ, Ներքին գործերի հարցերով եվրոպական հանձնակատար Իլվա Յոհանսոնը երեկ՝ փետրվարի 28-ին, եղել է Ռումինիայում, իսկ արդեն այսօր՝ մարտի 1-ին, կլինի Սլովակիայում՝ տեղում գնահատելու իրավիճակը փախստականների մասով: Փետրվարի 28-ի առավոտյան հանձնակատար Յոհանսոնն այցելել է Ուկրաինայի և Ռումինիայի միջև գտնվող Սիրետ սահմանային անցակետի փախստականների շարժական ճամբար:

Իմացիր ավելին

Մամուլի հաղորդագրություն

Հանձնակատար Յոհանսոնն այցելել է Ռումինիա և Սլովակիա



ԱՌՆՉՎՈՂ ԹԵՄԱՆԵՐ

«ԵՄ-ն հանուն կանանց և տղամարդկանց իրավահավասարության. բարեփոխումներին աջակցության պատուհան» ծրագիրը վերապատրաստում է Հայաստանի սոցիալական աշխատողներին 
1 Հուլիսի, 2022

«ԵՄ-ն հանուն կանանց և տղամարդկանց իրավահավասարության. բարեփոխումներին աջակցության պատուհան» ծրագիրը վերապատրաստում է Հայաստանի սոցիալական աշխատողներին 

Ռուսական վերնախավի, վստահված անձանց և օլիգարխների հարցերով աշխատանքային խումբը սառեցրել է պատժամիջոցների տակ հայտնված ռուսաստանցիների 30 միլիարդ դոլարի ակտիվները
1 Հուլիսի, 2022

Ռուսական վերնախավի, վստահված անձանց և օլիգարխների հարցերով աշխատանքային խումբը սառեցրել է պատժամիջոցների տակ հայտնված ռուսաստանցիների 30 միլիարդ դոլարի ակտիվները

«Մեծ յոթնյակի» առաջնորդները հայտարարում են, որ իրենք կուժեղացնեն միջազգային տնտեսական և քաղաքական ճնշումը Պուտինի ռեժիմի և Բելառուսի իշխանությունների նկատմամբ
30 Հունիսի, 2022

«Մեծ յոթնյակի» առաջնորդները հայտարարում են, որ իրենք կուժեղացնեն միջազգային տնտեսական և քաղաքական ճնշումը Պուտինի ռեժիմի և Բելառուսի իշխանությունների նկատմամբ

Երիտասարդները հանուն առողջ և ժողովրդավարական հասարակության. թողարկվել է ԵԵԴ ամսագրի երկրորդ հրատարակությունը
29 Հունիսի, 2022

Երիտասարդները հանուն առողջ և ժողովրդավարական հասարակության. թողարկվել է ԵԵԴ ամսագրի երկրորդ հրատարակությունը

Ժողովրդավարություն այստե՛ղ, ժողովրդավարություն հիմա՛. երիտասարդ եվրոպական դեսպանները միանում են Եվրոպայի խորհրդի դրոշակակիր երիտասարդական միջոցառմանը
29 Հունիսի, 2022

Ժողովրդավարություն այստե՛ղ, ժողովրդավարություն հիմա՛. երիտասարդ եվրոպական դեսպանները միանում են Եվրոպայի խորհրդի դրոշակակիր երիտասարդական միջոցառմանը


Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:

Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© Եվրոպական միություն,