«Ծանոթացիր Օզզիի հետ». ԵՄ-ն սկսում է նոր արշավ՝ օգնելու երեխաներին խնայել էներգիա

«Ծանոթացիր Օզզիի հետ». ԵՄ-ն սկսում է նոր արշավ՝ օգնելու երեխաներին խնայել էներգիա

28 Ապրիլի, 2022

Ծանոթացիր Օզզիի հետ: Այս փափլիկ համստերը հոգ է տանում շրջակա միջավայրի մասին և հանդիսանում արշավի դեմքը, որն օգնում է երեխաներին խնայել էներգիա:

EU4Energy-ի կողմից EUNeighbours East-ի հետ համագործակցությամբ կազմակերպված իրազեկման արշավը կանցկացվի 2022 թվականի ապրիլի 28-ից մայիսի 8-ն ընկած ժամանակահատվածում: Արշավի կենտրոնական դեմքը Օզզի համստերն է՝ էներգաարդյունավետության մասին «Էլեկտրալամպ» վերնագրով նոր կոմիքսի գլխավոր հերոսներից մեկը:

Կոմիքսը կենտրոնանում է մատաղ սերնդի շրջանում էներգաարդյունավետության և էներգախնայողության պարզ միջոցներին (օրինակ՝ չօգտագործվող սարքերը հոսանքից անջատելը կամ ջեռուցումն անջատելը), ինչպես նաև բնության և շրջակա միջավայրի վրա էներգիայի վատնման բացասական ազդեցությունների մասին իրազեկության բարձրացման վրա:

«Էլեկտրալամպ»-ը պատմում է չորս ընկերների և նրանց ընտանի կենդանիների մասին, ովքեր անտառում հայտնաբերում են հին տնակ, որտեղ կենդանիները պրոֆեսոր Սլեյթին օգնում են գտնել էներգիա գեներացնելու այլընտրանքային մեթոդներ՝ շրջակա միջավայրին վնաս չհասցնելու համար: Պրոֆեսոր Սլեյթը երեխաներին ցույց է տալիս. թե ինչ սարսափելի բաներ կարող են պատահել մոլորակի և նրա բնակչության հետ, եթե մարդիկ չսկսեն արդյունավետորեն օգտագործել էներգիան: Միավորված լինելով էներգիայի վատնումը կրճատելու միջոցով մոլորակը փրկելու գաղափարի շուրջը՝ երեխաներին՝ Օզզի համստերի հետ միասին, հաջողվում է վերափոխել մեկ քաղաքի կյանքը:

Կոմիքսում ներկայացված էներգախնայողության խորհուրդների տարածմանն աջակցելու համար EUNeighbours East-ը սկսում է Օզզի համստերի մասնակցությամբ սոցիալական մեդիա արշավ՝ սոցիալական ցանցերի տարբեր հարթակների և դպրոցական գործունեության միջոցով թիրախավորելով երեխաներին:

Կոմիքսը մշակվել է «EU4Energy փուլ II. մաքուր էներգիայի անցման խթանումն Արևելյան գործընկերության երկրներում» ծրագրի շրջանակում, որը ֆինանսավորվում է Եվրոպական միության կողմից և նպատակ ունի նպաստել էներգետիկայի համար պատշաճ օրենսդրական և կարգավորող շրջանակների զարգացմանը, աջակցել տարածաշրջանի անցմանը մաքուր էներգիային և նրա էներգետիկ շուկաների ազատականացմանը:

Իմացիր ավելին

Օգնիր Օզզիին խնայել էներգիա

Ներբեռնել կոմիքսը




Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է B&S Europe-ի գլխավորած կոնսորցիումը:

Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© Եվրոպական միություն,