Каледж Еўропы распачынае прыём заявак на 2024-2025 навучальны год – стыпендыі даступныя і для заяўнікаў з краінаў УП

Каледж Еўропы адкрыў прыём анлайн-заявак на магістарскія праграмы на 2024-2025 навучальны год. Студэнты з краінаў Усходняга партнёрства таксама могуць атрымаць стыпендыі.

Каледж Еўропы прапануе шэраг магістарскіх праграмаў з навучаннем у Бруге (Бельгія), Наталіне (Польшча) або ў яго нядаўна адкрытым кампусе ў Тыране (Албанія). Сярод тэмаў праграмаў еўрапейскія эканамічныя даследаванні, еўрапейскае права, еўрапейскія палітычныя даследаванні і даследаванні ў сферы кіравання або вывучэнне міжнародных дачыненняў і дыпламатыі ЕС.

Апошні тэрмін падачы заявак – 16 студзеня 2024 г.

Навучанне ў магістратуры платнае, але Каледж Еўропы прапануе вялікую колькасць стыпендыяў выпускнікам універсітэтаў з краінаў еўрапейскай палітыкі добрасуседства, у тым ліку Азербайджану, Арменіі, Беларусі, Грузіі, Малдовы і Украіны, для навучання на працягу 2024-2025 навучальнага года. Стыпендыі пакрываюць выдаткі на аплату навучання, пражыванне, харчаванне і даезд.

Каледж Еўропы ў Наталіне таксама прапануе дадатковыя поўныя стыпендыі для атрымання ступені магістра ў сферы еўрапейскіх міждысцыплінарных даследаванняў у 2024-25 гадах студэнтам з краінаў Усходняга партнёрства. Стыпендыі пакрываюць аплату за навучанне, поўны пансіён і пражыванне ў кампусе і фінансуюцца ў рамках праграмы “EU4Youth Фаза III – Занятасць і прадпрымальніцтва сярод моладзі”.

Даведацца больш

Прэс-рэліз

Стыпендыі ў рамках ЕПД

Іншыя стыпендыі