EU4Culture Şərq Tərəfdaşlığı ölkələrində mədəni və çarpaz innovasiya sahəsində layihə təkliflərinin qəbuluna başlayıb

Aİ tərəfindən maliyyələşdirilən EU4Culture layihəsi Azərbaycan, Ermənistan, Gürcüstan, Moldova və Ukraynanın paytaxt olmayan şəhərlərində mədəni və çarpaz innovasiya sahəsində layihə təkliflərinin qəbulunu elan edir. Təkliflərin qəbulu “EU4Culture Şəhərlər Şəbəkəsi” çərçivəsində mədəniyyətlərarası əməkdaşlığı və dialoqu təşviq etmək məqsədi daşıyır.

Layihələrdə iki növ layihələr dəstəklənəcək:

• Mədəni və bədii inkişaf, istehsal və ya təqdimat, yerli mədəni ənənələrin təbliği və mədəni mübadilə üçün məkanların yaradılmasına yönəlmiş mədəniyyət sahəsində layihələr.
• Müxtəlif sektorlar arasında maneələrin aradan qaldırılması və mədəniyyət, yaradıcılıq, turizm və digər sektorları birləşdirərək yerli ekosistemlərin inkişafını təşviq etməyə yönəlmiş çarpaz innovasiya sahəsində layihələr.

Müsabiqə Azərbaycan, Ermənistan, Gürcüstan, Moldova Respublikası və ya Ukraynada qeydiyyatdan keçmiş, ən azı 2 il ümumi əməliyyat fəaliyyətinə malik olan qeyri-kommersiya təşkilatları (dövlət və ya özəl) üçün açıqdır. Təkliflər uyğun ölkələrdən olan ayrı-ayrı təşkilatlar​ və ya iki-beş tərəfdaşlardan ibarət konsorsium tərəfindən təqdim edilə bilər. Əsas ərizəçi “EU4Culture Şəbəkəsi Şəhərləri” ndən birində fəaliyyət həyata keçirmiş olmalıdır (aşağıdakı siyahıya baxın), halbuki bu meyar həmərizəçilər üçün məcburi deyil.

2023-cü ilin oktyabr ayından 2024-cü ilin iyuluna qədər həyata keçiriləcək müsabiqə maksimum 10 ay davam edən layihələri dəstəkləyəcək. 

Hər layihə üzrə maksimum 25 000 avro həcmində qrant üçün müraciət edilə bilər.

Ərizələrin son qəbulu tarixi 25 iyul 2023-cü ildir (Mərkəzi Avropa vaxtı ilə 18:00). Ərizə ilə müraciət etmək üçün Höte ərizə portalında (GAP) ərizə formasını doldurmaq və lazımi sənədləri təqdim etmək lazımdır. Bununla bağlı məlumat xarakterli görüş iyunun 5-də (qeydiyyat üçün keçid) keçiriləcək.  

“EU4Culture Şəhərlər Şəbəkəsi” Mədəni inkişaf strategiyalarını hazırlamaq üçün Aİ tərəfindən maliyyə dəstəyi alan seçilmiş 14 şəhərdə mədəniyyət və yaradıcılıq sahəsində əməkdaşlığın qurulması məqsədi daşıyan EU4Culture layihəsi tərəfindən yaradılmış platformadır. Bu şəhərlərə Ermənistanda Çarentsavan, İcevan, Sevan; Azərbaycanda Xırdalan, Lənkəran və Şəki; Gürcüstanda Kutaisi, Poti və Zuqdidi; Moldovada Cahul və Orhei; və Ukraynada Odessa, Rivne və Vinnitsa daxildir.

EU4Culture layihəsi Höte İnstitutu (əsas tərəfdaş), Çex Mərkəzləri, Danimarka Mədəniyyət İnstitutu və “Institut Français de Géorgie” ilə birgə həyata keçirilir.

Daha çox öyrən

əlavə informasiya