ETF-in 2023-cü il üzrə “Yaşıl Bacarıqlar Mükafatı”nı almaq üçün 23 aprel tarixinə qədər müraciət edin

Avropa Təlim Fondu (ETF) yaşıl iqtisadiyyata keçidin gücləndirilməsində bacarıqların rolu haqqında qabaqcıl təcrübə nümunələrinin və hekayələrin qəbuluna başlayıb. Şərq Tərəfdaşlığı ölkələrinin vətəndaşları da müsabiqə üçün müraciət etmə şansına malikdirlər.

Müsabiqə dünyanın hər yerindən təhsil və məşğulluq sahəsində çalışan qanunvericilərin və təcrübəçilərin daha yaşıl və daha ədalətli iqtisadiyyat və cəmiyyətə necə töhfə verə biləcəyinə dair ideya və ilham mənbəyi rolunu oynayır.  

ETF müəssisə, təlim təminatçıları, sənaye sektorları, ictimai qurumlar və məşğulluq xidmətləri, məktəblər, şirkətlər və sahibkarlıq müəssisələrindən hekayələr qəbul edəcək. 

Qaliblərə “Yaşıl Bacarıqlar Mükafatı” təqdim olunacaq. Finalçılar haqqında məqalələr nüfuzlu dərgilərdə və ETF və onun beynəlxalq tərəfdaşlarının onlayn kanallarında dərc ediləcək. ETF finalçılar haqqında qısa roliklər hazırlayacaq və onların hekayələrini dünyanın müxtəlif yerlərində yeni auditoriyalara çatdıracaq. 

Müraciət etmək üçün İngilis, Fransız, yaxud Rus dilində onlayn ərizə formasını doldurun və 23 aprel  2023-cü il tarixinə qədər təqdim edin.

Daha çox öyrən

Mətbuat üçün açıqlama

ETF Yaşıl Bacarıqlar Mükafatı