საზღვარგარეთ სწავლის მსურველებს: მიიღეთ მონაწილეობა პროგრამის, Erasmus+ შესახებ გამართულ საერთაშორისო სემინარში

ევროკომისია საზღვარგარეთ სწავლის შესაძლებლობებით დაინტერესებულ პირებს იწვევს სემინარზე, რომელზეც ისინი გაიგებენ, რას წარმოადგენს Erasmus+ და როგორ უჭერს ის მხარს უმაღლესი განათლების ხელმისაწვდომობას. სემინარი 23, 24 და 25 ნოემბერს დისტანციურად ჩატარდება.

Erasmus+ ევროკავშირის პროგრამაა, რომელიც მხარს უჭერს პროექტებს და გაცვლით პროგრამებს განათლების, ტრენინგის, ახალგაზრდობის და სპორტის სფეროებში. ეს გახლავთ საერთაშორისო პროგრამა, რომელიც განსაკუთრებით უმაღლესი განათლების სფეროზე კონცენტრირდება.

საინფორმაციო სესიების დამსწრეები მიიღებენ ინფორმაციას Erasmus+-ის მიერ უზრუნველყოფილი იმ საერთაშორისო გაცვლითი პროგრამებისა და თანამშრომლობის შესაძლებლობების შესახებ, რომლებიც უმაღლესი განათლების მსურველთათვისაა ხელმისაწვდომი. სემინარის მონაწილეებს მიეცემათ შეკითხვების დასმის და სხვა მონაწილეებთან კავშირების დამყარების შესაძლებლობაც.

ღონისძიება ტარდება მსოფლიოს მასშტაბით. სხვადასხვა დროით სარტყელთან დაკავშირებული პრობლემების თავიდან ასარიდებლად, ერთი და იგივე სესია ყოველდღიურად ორჯერ ჩატარდება: ევროპის დროით დილის 9:00-დან 13:00-მდე და ნაშუადღევის 14:00-დან 18:00 საათამდე. 

დამატებითი ინფორმაცია

განცხადება

სარეგისტრაციო ფორმა