„საქართველოს კლიმატის პროგრამა“ კლიმატის ცვლილების თემაზე სტუდენტებისთვის კონკურსს აცხადებს
მარტი 17, 2023

„საქართველოს კლიმატის პროგრამა“ კლიმატის ცვლილების თემაზე სტუდენტებისთვის კონკურსს აცხადებს


ევროკავშირის მიერ დაფინანსებულმა პროექტმა, „საქართველოს კლიმატის პროგრამამ“, სტუდენტური კონკურსი გამოაცხადა. კონკურსანტებს კლიმატის ცვლილების საკითხებზე სამეცნიერო სტატიების მომზადება ევალებათ.

კონკურსის მიზანი აკადემიურ წრეებში კლიმატის ცვლილების საკითხებზე (იქნება ეს ადაპტაცია, მიტიგაცია, ბუნებრივი კატასტროფები, კლიმატგონივრული სოფლის მეურნეობა თუ სხვა) ცნობიერების ამაღლება და სტუდენტებში მეცნიერული მიმართულების წახალისებაა. მონაწილეების მიერ შექმნილი სტატიები კლიმატის გლობალური ცვლილების მიერ გამოწვეულ შედეგებსა და რისკებს საქართველოსთან მიმართებაში  უნდა აშუქებდეს. გარდა ამისა, ნამუშევრები კლიმატის ცვლილების თემატიკაზე არსებული უახლესი სტატიების მიმოხილვის საფუძველზე გაკეთებულ მეორადი წყაროების ანალიზს უნდა ეყრდნობოდეს

კონკურსი სამ გამარჯვებულს გამოავლენს. პირველ ადგილზე გასულ ავტორს 1500 ლარი გადაეცემა, მეორე ადგილზე გასულს — 1200 ლარი, ხოლო მესამეადგილოსანს — 1000 ლარი.

განაცხადების შეტანის ბოლო ვადაა 30 აპრილი.

დამატებითი ინფორმაცია

პრესრელიზი

დახურვის თარიღი:

აპრილი 30, 2023

შესაძლებლობის ტიპი



ყველაზე წაკითხული



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,