საერთაშორისო გამჭვირვალობის სკოლა 2025 – შეიტანეთ განაცხადი 1 ივნისამდე 

2025 წელს საერთაშორისო გამჭვირვალობის სკოლა მონაწილეებს ლიეტუვის დედაქალაქ ვილნიუსში 30 ივნისიდან 4 ივლისამდე უმასპინძლებს. 

საერთაშორისო გამჭვირვალობის სკოლა ყოველწლიურად იმართება და მომავალ ლიდერებს კორუფციასთან ბრძოლისა და ანგარიშვალდებულების თემებზე სთავაზობს ტრენინგს. 2010 წლიდან დღემდე სკოლაში მსოფლიოს 120-ზე მეტი ქვეყნის 1,800-ზე მეტმა მომავალმა ლიდერმა მიიღო მონაწილეობა.

პროგრამის წარმატებით დასრულების მერე მონაწილეები მიიღებენ 6 ECTS კრედიტს და ტრენინგის გავლის დამადასტურებელ სერტიფიკატს. 

გამჭვირვალობის სკოლა ღიაა მაღალკურსელებისთვის, კურსდამთავრებულებისთვის და ახალგაზრდა პროფესიონალებისთვის. 2024 წელს გამჭვირვალობის სკოლის გამვლელთა საშუალო ასაკი 30 წელი იყო.

2025 წელს გამჭვირვალობის სკოლაში სწავლის საფასური 1,200 ევროს შეადგენს. დისტანციური სწავლების შემთხვევაში კი გადასახადი 400 ევროს უტოლდება. 

შეზღუდული რაოდენობით ასევე ხელმისაწვდომია სწავლის საფასურის დაფინანსება და სამგზავრო გრანტები, რომლებიც აპლიკანტების მოტივაციისა და კვალიფიკაციის საფუძველზე გაიცემა. „ღია მმართველობის პარტნიორობა“ საქართველოს, მოლდოვის, სომხეთისა და უკრაინის მოქალაქეებისთვის უზრუნველყოფს ოთხ სრულ სტიპენდიას, რომელშიც შევა სწავლის საფასური და საერთაშორისო მგზავრობის ხარჯები (სტიპენდია არ დაფარავს ვიზისა და დაზღვევის ხარჯებს). 

განაცხადების მიღების ბოლო ვადაა 2025 წლის 1 ივნისი.

დამატებითი ინფორმაცია

პრესრელიზი