მოლდოვაში კლიმატურ სამართლიანობასა და ადამიანის უფლებებზე ორგანიზებული საგაზაფხულო სკოლა მსურველებს იწვევს 

გლობალური კამპუსის კავკასიის პროგრამა და მოლდოვის სახელმწიფო უნივერსიტეტი (MSU) „კლიმატურ სამართლიანობასა და ადამიანის უფლებებზე ევროპული რეგიონთაშორისი საგაზაფხულო სკოლის“ გავლის მსურველებს იწვევენ. სკოლის შეხვედრები 5-11 მაისს მოლდოვაში გაიმართება. 

მოლდოვის რესპუბლიკაში ევროკავშირის წარმომადგენლობის მიერ მხარდაჭერილი სკოლა ადამიანის უფლებების მიმართულებით პროგრესული და ინოვაციური საგანმანათლებლო ინიციატივაა. ის MSU-ის სამართლისა და ბიოლოგიის ფაკულტეტებთან პარტნიორობით არის ორგანიზებული. სკოლა აერთიანებს აკადემიური სფეროს და სამოქალაქო საზოგადოების წარმომადგენლებსა და ადამიანის უფლებების დამცველებს მოლდოვიდან, ევროკავშირის სამეზობლოდან და ევროკავშირის გაფართოების პროცესში ჩართული ქვეყნებიდან. 

კონკურსში მონაწილეობა შეუძლიათ სტუდენტებს, დამწყებ პროფესიონალებს, მკვლევრებსა და მომავალ თუ მოქმედ გარემოსდამცველებს აღმოსავლეთ პარტნიორობის ქვეყნებიდან (მოლდოვა, სომხეთი, უკრაინა და საქართველო) და დასავლეთ ბალკანეთიდან (ბოსნია და ჰერცეგოვინა, სერბეთი, მონტენეგრო, ალბანეთი, ჩრდილოეთ მაკედონია და კოსოვო). კონკურსანტებს უნდა ჰქონდეთ საკითხის შესწავლის სურვილი ან ამ მიმართულებით ბაზისური გამოცდილება. დამატებით, ორი ადგილი ევროკავშირის მოქალაქეებისთვის არის გამოყოფილი.

სკოლის გავლა უფასოა. საცხოვრებლის, მოგზაურობისა და ადგილზე ყოფნის ხარჯებს ორგანიზატორები დაფარავენ. 

განაცხადების შეტანის ბოლო ვადაა 2025 წლის 16 მარტი. 

ადამიანის უფლებების გლობალური კამპუსი 100-ზე მეტი უნივერსიტეტისგან შემდგარი ქსელია, რომლის მიზანიც ადამიანის უფლებებისა და დემოკრატიის დამცველთა ახალი თაობის გამოწვრთნა და გაძლიერება არის. 

დამატებითი ინფორმაცია

პრესრელიზი