Դիմեք եւ մասնակցեք Մոլդովայում կայանալիք Կլիմայական արդարադատության եւ մարդու իրավունքների Եվրոպական միջտարածաշրջանային գարնանային դպրոցին

Գլոբալ կամպուսն իր GC Caucasus ծրագրով եւ Մոլդովայի պետական ​​համալսարանը (ՄՊՀ) հայտարարում են ընդունելություն Կլիմայական արդարադատության եւ մարդու իրավունքների 2-րդ Եվրոպական միջտարածաշրջանային գարնանային դպրոցի համար: Գարնանային դպրոցը կանցկացվի մայիսի 5-11-ը Մոլդովայում։

Մոլդովայում Եվրոպական միության պատվիրակության աջակցությամբ՝ դպրոցը մարդու իրավունքների ոլորտում նորարարական եւ հեռանկարային կրթական նախաձեռնություն է, որը կազմակերպվել է ՄՊՀ-ի իրավագիտության եւ կենսաբանության ֆակուլտետների հետ համատեղ: Դպրոցը կհամախմբի գիտական շրջանակներին, քաղաքացիական հասարակությանը եւ իրավապաշտպաններին Մոլդովայից, ինչպես նաեւ ԵՄ հարեւանության եւ արեւելյան ընդլայնման երկրներից:

Մրցույթին կարող են մասնակցել ուսանողներ, սկսնակ մասնագետներ, հետազոտողներ եւ սկսնակ բնապահպանական ակտիվիստներ կամ պրակտիկ գործիչներ Արեւելյան գործընկերության (Մոլդովա, Հայաստան, Ուկրաինա, Վրաստան) եւ Արեւմտյան Բալկանների (Բոսնիա եւ Հերցեգովինա, Սերբիա, Մոնտենեգրո, Ալբանիա, Հյուսիսային Մակեդոնիա եւ Կոսովո) երկրներից, ովքեր ցանկանում են նախնական պատկերացում կազմել թեմայի վերաբերյալ կամ ունենալ հիմնական փորձ: Բացի այդ, մինչեւ երկու ազատ տեղ է նախատեսված ԵՄ քաղաքացիների համար:

Մասնակցությունն անվճար է։ Կեցության, ճանապարհորդության եւ ապրուստի բոլոր ծախսերը հոգում են կազմակերպիչները:

Դիմումների ընդունման վերջնաժամկետն է ս.թ. մարտի 16-ը։

Մարդու իրավունքների գլոբալ կամպուսը ավելի քան 100 համալսարաններից բաղկացած ցանց է, որը զբաղվում է մարդու իրավունքների եւ ժողովրդավարության մասնագետների հաջորդ սերնդի պատրաստմամբ եւ հզորացմամբ։

Իմացիր ավելին

Մամուլի հաղորդագրություն