ლისაბონში მდებარე ნარკოტიკების მონიტორინგის სააგენტო სამთვიან ანაზღაურებად სტაჟირებას აცხადებს
თებერვალი 6, 2024

ლისაბონში მდებარე ნარკოტიკების მონიტორინგის სააგენტო სამთვიან ანაზღაურებად სტაჟირებას აცხადებს


ევროპის ნარკოტიკებისა და წამალდამოკიდებულების მონიტორინგის ცენტრი (EMCDDA) აღმოსავლეთ პარტნიორობის ქვეყნებში მცხოვრებ ახალგაზრდებს პორტუგალიის დედაქალაქ ლისაბონში სამთვიან სტაჟირებაზე იწვევს. 

1993 წელს დაარსებული EMCDDA ევროკავშირის დეცენტრალიზებულ სააგენტოთაგანია. ის ევროპაში ნარკოტიკებსა და წამალდამოკიდებულებაზე არსებული ინფორმაციის ცენტრალურ წყაროს წარმოადგენს. 

სტაჟიორი პროექტის, ევროკავშირი ნარკოტიკების მონიტორინგისთვის (EU4MD), II ფაზაში ჩაერთვება. ევროკავშირის მიერ დაფინანსებული პროექტის კოორდინირებას Reitox-ისა და გარე პარტნიორების ჯგუფის ფარგლებში მოქმედი საერთაშორისო კოოპერაციული სექტორი ახდენს. ინიციატივა ევროკავშირის მეზობელ ქვეყნებს ნარკოტიკების პრობლემის მონიტორინგში ეხმარება. 

სტაჟიორი გააკონტროლებს, გააანალიზებს და უახლოეს ცნობებს შეკრებს ევროპის სამეზობლო პოლიტიკის (ENP) რეგიონში არსებულ ნარკოტიკების ონლაინბაზრებზე (მათ შორის Dark Web-ზე). ის ასევე წვლილს შეიტანს ENP-ის რეგიონის საზოგადოებრივი ჯანდაცვის მონიტორინგში, მონაწილეობას მიიღებს EU4MD II პროექტის ღონისძიებების ორგანიზებაში და შეასრულებს სხვა მოვალეობებს. 

სტაჟირებაზე განაცხადის შეატანა შეუძლიათ საქართველოს, აზერბაიჯანის, მოლდოვის, სომხეთისა და უკრაინის მოქალაქეებს.

სტაჟიორი თვიურად 1,330  ევროს ოდენობის ანაზღაურებას მიიღებს. მისი სამუშაო ადგილი ლისაბონში მდებარე EMCDDA-ის ოფისი იქნება. EMCDDA ასევე დაფარავს სტაჟირების დაწყებისას და დასრულებისას გაღებულ მგზავრობის ხარჯებს.

სტაჟირების მსურველს მიღებული უნდა ჰქონდეს საუნივერსიტეტო ხარისხი ან ეკვივალენტური გამოცდილება კრიმინოლოგიის, სოციალური და ჰუმანიტარული მეცნიერებების ან სხვა რელევანტური სფეროების მიმართულებით. მას უნდა შეეძლოს სამეცნიერო ენაზე ინგლისურად წერა და უნდა აინტერესებდეს ნარკოპოლიტიკასთან თუ მონიტორინგთან დაკავშირებული სფეროები.

განაცხადების შეტანის ბოლო ვადაა 12 თებერვალი

დამატებითი ინფორმაცია

გამოცხადებული ვაკანსიები

EMCDDA-ისა და ევროპოლის ანგარიში: უკრაინაში რუსეთის ომი ევროკავშირისკენ მიმავალ ჰეროინის მარშრუტებს ცვლის 

შესაძლებლობის ტიპი


თემაზე

თებერვალი 23, 2024

ENPARD IV: ევროკავშირისა და გაეროს განვითარების პროგრამის საერთო პროექტში ვაკანსია გამოცხადდა

თებერვალი 21, 2024

ევროკავშირის გაფართოება: საქართველოს სამოქალაქო საზოგადოების ორგანიზაციებს კონსულტაციებში მონაწილეობის მისაღებად იწვევენ 

თებერვალი 15, 2024

აღმოსავლეთ პარტნიორობის სამოქალაქო საზოგადოების ფორუმი 2024-2026 წლების ციკლისთვის დელეგატებს იწვევს 

თებერვალი 15, 2024

იმერეთსა და კახეთში ინფრასტრუქტურული პროექტების დასაფინანსებლად საგრანტო კონკურსი გამოცხადდა

თებერვალი 13, 2024

ევროპის სოლიდარობის კორპუსი: მოხალისეობის შესაძლებლობა სტარტაპების გლობალური კონკურსისთვის ბუდაპეშტში 


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,