კავკასიის გარემოსდაცვითი არასამთავრობო ორგანიზაციების ქსელი და EU4YoutH გორში მედიატურს აწყობენ

არასამთავრობო ორგანიზაცია, „კავკასიის გარემოსდაცვითი არასამთავრობო ორგანიზაციების ქსელი“ (CENN), რომელიც სამხრეთ კავკასიაში მდგრადი განვითარების საკითხებზე მუშაობს, ჟურნალისტებისათვის მედიატურში სამონაწილეოდ კონკურსს აცხადებს.

კონკურსი ევროკავშირის მიერ მხარდაჭერილი პროექტის, „EU4Youth: სოციალური მეწარმეობის ეკოსისტემის განვითარება (SEED) მწვანე ზრდისათვის“, ფარგლებშია ორგანიზებული. პროექტის მიზანი საქართველოსა და სომხეთში სოციალურად დაუცველი ახალგაზრდების გაძლიერებაა, რათა ისინი სოციალური მეწარმეობის და მწვანე ინოვაციის უნარების განვითარების გზით სწავლის დამთავრებისთანავე წარმატებით დასაქმდნენ. 

ტურის განმავლობაში მონაწილეები კავკასიის სოციალური ინოვაციების საგრანტო კონკურსის გამარჯვებულებსა და დაფინანსებულ სოციალურ და მწვანე მეწარმეებს შეხვდებიან. ისინი გორის ინოვაციურ ცოდნის ჰაბსაც  ეწვევიან.

ტურის განმავლობაში მიღებული ინფორმაციის საფუძველზე, მონაწილეებმა უნდა შექმნან ჟურნალისტური ნაშრომი სტატიის, ფოტორეპორტაჟის, სიუჟეტის, ბლოგის ან ვლოგის ფორმატში და გამოაქვეყნონ ის ერთ-ერთ მედიაპლატფორმაზე. გამარჯვებული ჟურნალისტები პრიზის სახით 600, 400 და 200 ლარის ოდენობის ვაუჩერებს მიიღებენ.

დაინტერესებულ ჟურნალისტებს სარეგისტრაციო განაცხადის შევსება 10 აპრილის ჩათვლით შემდეგ ბმულზე შეუძლიათ: https://forms.gle/H2MDHeuQ5ye2qYwA6.

დამატებითი ინფორმაცია

პრესრელიზი