ევროპული მემკვიდრეობის ჰაბი სამოქალაქო საზოგადოების ორგანიზაციებისთვის მცირე გრანტების კონკურსს აცხადებს   

ევროპული მემკვიდრეობის ჰაბის პროექტმა ევროკავშირის მეზობელ ქვეყნებში კულტურული მემკვიდრეობის დაცვის მხარდასაჭერად მცირე გრანტების სქემა აამოქმედა. ევროკავშირის მიერ თანადაფინანსებულ პროექტს „ევროპა ნოსტრას“ ხელმძღვანელობით მოქმედი, 20 პარტნიორისგან შემდგარი კონსორციუმი მართავს. 

სქემის მიზანია, წაახალისოს და გააძლიეროს ევროკავშირის სამეზობლოში მემკვიდრეობის დაცვაზე მომუშავე სამოქალაქო საზოგადოების ორგანიზაციები, რათა ისინი აქტიურად ჩაერთონ ევროპული მემკვიდრეობის დაცვის უფრო ფართო მოძრაობაში და ევროპის მწვანე, ციფრულ და სოციალურ ტრანსფორმაციაში. 

საქართველოს გარდა, კონკურსში მონაწილეობა შეუძლიათ აზერბაიჯანის, მოლდოვის, სომხეთის, უკრაინისა და დასავლეთ ბალკანეთის ქვეყნების სამოქალაქო საზოგადოების ორგანიზაციებს. კონკურსის ფარგლებში ამ ქვეყნებს შორის სახელმწიფოთაშორისი ერთობლივი პროექტები არათუ დაშვებული, არამედ წახალისებულიცაა. 

ევროპული მემკვიდრეობის ჰაბის მცირე გრანტების სქემა სწრაფი და მოქნილი დაფინანსების ინსტრუმენტია, რომელიც  კულტურული მემკვიდრეობის შემდეგი მოცულობის პროექტებს უჭერს მხარს: 

• მცირე პროექტები — გრანტების მოცულობა მერყეობს 2,000 ევროდან 10,000 ევრომდე;
• საშუალო პროექტები —  გრანტების მოცულობა მერყეობს 10,000 ევროდან 30,000 ევრომდე;
• დიდი პროექტები — გრანტების მოცულობა მერყეობს 30,000 ევროდან 50,000 ევრომდე.

განაცხადების მიღების ბოლო ვადაა 31 მარტი.

მცირე გრანტების სქემა ევროპის მემკვიდრეობის ცენტრის საპილოტე პროექტის ნაწილია. ევროკავშირის მიერ თანადაფინანსებულ ამ ინიციატივას ფონდი ALIPH Foundation-იც უჭერს მხარს. 

დამატებითი ინფორმაცია

პრესრელიზი

ევროპული მემკვიდრეობის ჰაბი

ევროპა ნოსტრა