ევროპის სოლიდარობის კორპუსი: მოხალისეობა პოლონეთის დაწყებით სკოლაში

დაწყებითი სკოლა, „გდინიის სოციალური სკოლა“, რომელიც განათლების ალტერნატიულ მეთოდებს ნერგავს, ეძებს სამ მოხალისეს სხვადასხვა ქვეყნიდან, მათ შორის საქართველოდან, სომხეთიდან და უკრაინიდან. 

სკოლა კონცენტრირდება ბავშვების მხარდაჭერაზე – მათ შორის სპეციალური საგანმანათლებლო საჭიროების (მაგალითად, მხედველობის დარღვევის, აუტიზმის, სხვადასხვა აშლილობისა და ჯანმრთელობის სირთულეების) მქონეთა მხარდაჭერაზე.  

აქტივობა 2026 წლის 24 აგვისტოდან 2027 წლის 23 აგვისტომდე განხორციელდება.

მოხალისეს დაევალება ბავშვებისათვის ინტეგრაციული და გამაჯანსაღებელი თამაშების მოწყობა, სასწავლო სესიების ორგანიზება, გაკვეთილების მსვლელობისას მასწავლებლების დახმარება, სპეციალური საგანმანათლებლო საჭიროების მქონე ბავშვებთან მუშაობა, საქველმოქმედო ღონისძიებების ორგანიზება, ენების სწავლება და ასე შემდეგ.

მოხალისეებს საცხოვრებლით დაქირავებულ ბინაში უზრუნველყოფენ, სადაც მათ 1-2 სხვა მოხალისესთან მოუწევთ ოთახის გაყოფა. ისინი ასევე მიიღებენ ყოველთვიურ სახარჯავ ფულს და გდინიაში ავტობუსის ყოველთვიური ბილეთისთვის განსაზღვრულ თანხას. 

განაცხადების მიღების ბოლო ვადაა 2026 წლის 31 მაისი. 

დამატებითი ინფორმაცია

კონკურსის შესახებ