ევროკომისია დოქტორანტების მოსამზადებლად 434.8 მილიონი ევროს ბიუჯეტის მქონე კონკურსს აცხადებს
ივნისი 1, 2023

ევროკომისია დოქტორანტების მოსამზადებლად 434.8 მილიონი ევროს ბიუჯეტის მქონე კონკურსს აცხადებს


მარია სკლოდოვსკა-კიურის აქტივობების (MSCA) სადოქტორო ქსელების ფარგლებში, ევროკომისიამ  2023 წლისთვის ახალი კონკურსი გამოაცხადა. კონკურსი ყველა სამეცნიერო სფეროს 130-ზე მეტ სადოქტორო პროგრამას დააფინანსებს და 1,600 დოქტორანტს ტრენინგსა და უნართა განვითარებას შესთავაზებს.

კონკურსის ბიუჯეტი, 434.8 მილიონი ევრო, დააფინანსებს სადოქტორო პროგრამებს, საუნივერსიტეტო პარტნიორობებს, კვლევით ინსტიტუტებსა და კვლევით ინფრასტრუქტურას, ბიზნესსა და სხვა სოციალურ-ეკონომიკურ ინიციატივებს როგორც ევროპის შიგნით, ასევე მის გარეთ. 

MSCA-ის სადოქტორო ქსელები ღიაა საერთაშორისო კონსორციუმებისთვის, რომლებიც უნდა შედგებოდეს მინიმუმ სამი დამოუკიდებელი იურიდიული სუბიექტისგან. ეს სუბიექტები დაარსებული უნდა იყოს ევროკავშირის წევრ სხვადასხვა სახელმწიფოში ან „ჰორიზონტ ევროპასთან“ ასოცირებულ ქვეყნებში (მოლდოვაში, საქართველოში, სომხეთსა თუ უკრაინაში) და ევროკავშირის სულ მცირე ერთ წევრ სახელმწიფოში. ამ მინიმალური მოთხოვნის გარდა, კონსორციუმში შეიძლება შედიოდნენ სხვა ორგანიზაციები მსოფლიოს ნებისმიერი ქვეყნიდან.

ეს სადოქტორო პროგრამები დააკმაყოფილებს საჭიროებებს კვლევისა და განვითარების სხვადასხვა სფეროში, წარუდგენს მკვლევრებს აკადემიურ და არააკადემიურ სექტორებს და შესთავაზებს ტრენინგს როგორც კვლევასთან დაკავშირებულ საკითხებში, ასევე უფრო ფართო უნარებსა და კომპეტენციებში, რომლებიც ინოვაციებისა და გრძელვადიანი დასაქმებისთვის არის საჭირო (იქნება ეს მეწარმეობა, შედეგების კომერციალიზაცია, ინტელექტუალური საკუთრების უფლებები თუ კომუნიკაცია).

განაცხადების შეტანის ბოლო ვადაა 2023 წლის 28 ნოემბერი.

დამატებითი ინფორმაცია

პრესრელიზი

დახურვის თარიღი:

ნოემბერი 28, 2023

შესაძლებლობის ტიპი



ყველაზე წაკითხული



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,