ევროკავშირისა და UNDP-ის პროექტი, საპარლამენტო ინსტიტუციების გაძლიერება საქართველოში, ანალიტიკოსს ეძებს

ევროკავშირისა და გაეროს განვითარების პროგრამის (UNDP) ერთობლივი პროექტის, „საპარლამენტო ინსტიტუციების გაძლიერება საქართველოში“, ფარგლებში ინსტიტუციური განვითარების სპეციალისტის/ანალიტიკოსის პოზიციაზე ვაკანსია გამოცხადდა.

პროექტი მიზნად ისახავს დემოკრატიული მმართველობის გაუმჯობესებას, რისთვისაც საქართველოს პარლამენტისა და აჭარის ავტონომიური რესპუბლიკის უმაღლესი საბჭოს გამართულ ფუნქციონირებას უწყობს ხელს. 

პროექტის ანალიტიკოსი, სხვა ვალდებულებებთან  ერთად, იზრუნებს ანალიტიკურ მხარდაჭერაზე, რეგულარულად დაუკავშირდება სხვადასხვა დაინტერესებულ მხარეს და  ხელს შეუწყობს ეროვნული და საერთაშორისო მოკლევადიანი პროექტების ექსპერტების საქმიანობას.

პროექტის ანალიტიკოსი იმუშავებს სრულ განაკვეთზე, თბილისის ოფისში.

კანდიდატი უნდა ფლობდეს მაგისტრის (ან ეკვივალენტურ) ხარისხს სამართალში, საჯარო პოლიტიკაში, განვითარების კვლევებში ან სხვა დაკავშირებულ სფეროებში. მას ასევე შეიძლება ჰქონდეს ბაკალავრის ხარისხი რომელიმე აღნიშნულ სფეროში და მუშაობის 2-წლიანი რელევანტური გამოცდილება.

კანდიდატმა სრულყოფილად უნდა იცოდეს ინგლისური და ქართული ენები. 

განაცხადების შეტანის ბოლო ვადაა 16 თებერვალი.

დამატებითი ინფორმაცია

პრესრელიზი