„ევროკავშირის პრიზი ჟურნალისტიკაში 2024“ – განაცხადების მიღება დაიწყო

ევროკავშირის წარმომადგენლობა საქართველოში ადგილობრივ ჟურნალისტებს კონკურსში, „ევროკავშირის პრიზი ჟურნალისტიკაში 2024“, მონაწილეობის მისაღებად იწვევს. 

ევროკავშირის პრიზი ჟურნალისტიკაში 2012 წელს ევროკავშირის წარმომადგენლობის მხარდაჭერით დაარსდა. კონკურსი ხელს უწყობს პროფესიონალიზმს და ეთიკის ქარტიის ნორმების დამკვიდრებას ქართული ჟურნალისტიკაში. 

წელს კონკურსი გამარჯვებულებს შემდეგ შვიდ კატეგორიაში გამოავლენს:

• საუკეთესო სტატია ბეჭდურ ან ელექტრონულ მედიაში;
• საუკეთესო სიუჟეტი სამაუწყებლო ან ელექტრონულ მედიაში;
• საუკეთესო საგამოძიებო სტატია ან სიუჟეტი ბეჭდურ, ელექტრონულ ან სამაუწყებლო მედიაში;
• საუკეთესო ბლოგი/საავტორო სტატია/სვეტი ბეჭდურ, ელექტრონულ ან სამაუწყებლო მედიაში;
• ყველაზე ორიგინალური და ინოვაციური ნაშრომი ბეჭდურ, ელექტრონულ ან სამაუწყებლო მედიაში;
• ევროკავშირის ფასეულობების ამსახველი საუკეთესო დოკუმენტური ფოტო;
• საუკეთესო სტუდენტური ნაშრომი ბეჭდურ, ელექტრონულ ან სამაუწყებლო მედიაში.

თითოეული კატეგორიის გამარჯვებული ფულად ჯილდოს მიიღებს.

2024 წელს „ევროკავშირის სადამკვირვებლო მისიის სპეციალური პრიზი მშვიდობის ჟურნალისტიკაში“ ევროკავშირის პრიზის კატეგორიათა შორის აღარ იქნება. ევროკავშირის სადამკვირვებლო მისიას (EUMM)  საქართველოში  აქცენტი გადააქვს კონფლიქტების გაშუქების სფეროში დამწყები ჟურნალისტების შესაძლებლობების გაძლიერებაზე. ახლად შემუშავებული პროექტების მეშვეობით, რომლებიც კონკრეტულად ჟურნალისტიკის მიმართულების სტუდენტებისთვისაა გამიზნული, ევროკავშირის სადამკვირვებლო მისია ხელს შეუწყობს ამბების ისე გაშუქებას, რომ წაახალისოს თემთა შორის ნდობის ჩამოყალიბება და მშვიდობა. 

განაცხადების შეტანის ბოლო ვადაა 2024 წლის 10 ოქტომბერი.

განაცხადის ფორმა და ნამუშევრების წარდგენის წესები იხილეთ აქ.

დამატებითი ინფორმაცია

პრესრელიზი